لژێر چاڤدێریا سەرۆكێ زانكۆیا دهۆك (پ.د. مصلح محەمەدسەعید دهۆكی)، راگریا كۆلیژا زانستێن مرۆڤایەتی ب بەرهەڤبوونا (د. كەرەڤان ئامێدی) ب هەڤكاری دگەل پشكا خواندنێن ئیسلامی رابوو ب ڤەكرنا پیشانگەها بەرهەم و خەتخۆشیا (شێخ تاهرێ شوشێ)، ل ئاڤاهیێ ناڤەندا قۆتابیان.
د. حەمزە تاهر شوشێ گۆت:" شێخ تاهر مەلا محەمەد تاهر شێخ ئیسلام ل سالا 1917ێ ل گۆندێ شۆشێ ژ دایك بوویە، ل سالا 1929ێ، ل ئاكرێ و دهۆك و هەولێر و كۆیێ دەست ب خواندنا خۆ كریە، ل سالا 1946ێ،دەستویرناما خەتخۆشیێ ژ خەتخۆش (محەمەد تاهیر كوردیێ مەككی) وەرگرتیە، ل سالا 1947ێ، باوەرنامەیا زانینێ (دوازدەیی زانستی) ل هەولێر وەرگرتیە".
دكتوری بەحسكر، شێخ تاهرێ شۆشێ وەك زانا و مەلایەكێ ئایینی و هوزانڤان و دیرۆكڤان و جڤاكناس و باشنڤیس هاتیە نیاسین و دەستەكێ بالا د بابەتێن زانستێن ئیسلامی دا هەبوویە و شارەزا بوویە د زمانێ (كوردی و عەرەبی و فارسی و توركی)، ل 12/ 12/ 1962ێ ل ئاكرێ وەغەرا دووماهیێ كریە.
راگەهاندنا زانكۆیا دهۆك: هەلز عەلی سەلیم