سەرۆکێ زانکۆیا دهۆک دگەل دەستەیا نوی یا نوینەرێن مامۆستایان کۆمبوو
Sept. 28, 2022, 1:16 p.m.

ئەڤرۆ رێکەڤتی ٢٧ـی ئەیلوولا ٢٠٢٢ـێ، ل جڤاتا سەرۆکاتیا زانکۆ یا دهۆک، د. داود سلێمان ئەتروشی سەرۆکێ زانکۆ یا دهۆک دگەل دەستەیا نوی یا نوینەرێن مامۆستاییێن زانکۆ یا دهۆک کۆمبوو.

ل دەستپێکا کۆمبوونێ، سەرۆکێ زانکۆ یێ ب گەرمی پێشوازی و پیرۆزباهی ل نوینەرێن نوی یێن مامۆستایان کر، گەلەگ ب گرنگی ڤە باس ل کاریگەریا رۆلێ مامۆستایان ل سەر جڤاکی کر، هەروەسا دیارکر "نوینەرێن مامۆستایان پرەکا گەلەکا گرنگە بۆ گەهاندنا پەیاما زانکۆ یێ بۆ مامۆستا و قوتابی و جڤاکی". هەروەسا سەرۆکێ زانکۆ یێ داخواز ژ نوینەرێن مامۆستایان کر هاریکار بن بۆ جێبەجێکرنا پلان و بەرنامەیێن زانکۆ یێ بۆ باشتر برێڤەچوونا کاروبارێن زانکۆ یێ.

ژ لایەکێ دی ڤە، د. داود ئەتروشی ئاماژە ب پێنج بنەمایان کر، وەکو بوهایێن بڕێڤەچوونا کاری ل زانکۆیا دهۆک، ئەوژی (راستگۆیی، یەکسانی، هەماهەنگی، بەرپرسیارەتی و دەستپاکیا ئەکادیمی)، ب وێ مەرەمێ کو ئەڤ تێگەهە بنەمایێن سەرەکی یێن کارکرنێنە ل زانکۆیا دهۆک.

لدویڤدا ، زولەیخا عەبدلوەهاب نوینەرا گشتی یا مامۆستایێن زانکۆیا دهۆک، سوپاسیا سەرۆکێ زانکۆیێ کر بۆ پاڵپشتی و پشتەڤانیا وی یا بەردەوام بۆ مامۆستایان، پاشی تەوەرێن کۆمبوونێ ژ لایێ نوینەرگشتی یا مامۆستایان ڤە بۆ سەرۆکێ زانکۆیێ هاتنە دیارکرن، کو ناڤەرۆک ل سەر سێ تەوەرا هاتبوو دابەشکرن، ئەوژی (تەوەرێن گشتی، تەوەرێن تایبەت و تەوەرێ خواندنا بلند)، پاشی دانوستاندنێن تێروتەسەل ژ لایێ سەرۆکێ زانکۆیێ و نوینەرێن مامۆستایان ڤە هاتنەکرن.

پشتی دانوستاندنەکا تێروتەسەل ، چەندین پێشنیار ژ لایێ نوینەرێن مامۆستایان ڤە ب سەرۆکێ زانکۆ یێ هاتنەدان بۆ باشتر جێبەجێکرنا پلان و بەرنامەیێن ستراتیجی یێن زانکۆیا دهۆک.

ل دویماهیێ ژی سەرۆکێ زانکۆیا دهۆک دوپاتی ل پاڵپشتی و پشتەڤانیا سەرۆکاتیا زانکۆیا دهۆک بۆ نوینەرێن مامۆستایان کر، ئەو چەندە ژی دیارکر کو دێ بەردەوام د هەماهەنگیێ دا بن دگەل نوینەرێن مامۆستایان بۆ برێڤەبرنا کاروبارێن زانکۆیێ.