شاندەکێ زانکۆیا دهۆک ب سەرۆکاتیا د. لوقمان هادی حەسەن، هاریکارێ سەرۆکێ زانکۆیێ بۆ کاروبارێن زانستی، پشکداری وۆرکشۆپا هەڤپشکا نیڤدەولەتیا دووێ یا پرۆژێ ئەپرەیس (پرۆگرامێ ئیراسمەس پلەس) بوو، شاندێ زانکۆیا دهۆک، کو رێڤەبەرێ دلنیای جۆری، بەرپرسێ بۆلۆنا پرۆسێس و نوینەرێ رێڤەبەریا پەیوەندیان دگەلدابوون، بۆ ماوێ دوو رۆژا پشکداری ڤێ وۆرکشۆپێ بوو و دانوستاندن لدۆر پرۆسێسێن بۆلۆنا و دلنیایی جۆری و رێڤەبرن و سەرکێشیا سەردەمیانەیا زانکۆیان کر.
د ڤێ وۆرکشۆپێ دا، ئەوا ل ١٥-١٧ی ڤێ مەهێ ل زانکۆیا پیزا ل وەلاتێ ئیتالیا هاتیە ئەنجامدان، نوێنەرێن هەشت زانکۆیێن کوردستانی و وەزارەتا خواندنێن بلند و ڤەکۆلینێن زانستی و هەروەسا چوار زانکۆیێن ئەوروپی پشکداربوون و دانوستاندنێن هویر و تێروتەسەل لدۆر بابەتێن ناڤبری هاتنە ئەنجامدان، ب تایبەت لدۆر بۆلۆنا پرۆسێس، ئەوا زانکۆیا دهۆک دەست ب بجهئینانا وێ کری.
ل دویماهیێ و بۆ بجهئینانەکا خورتر یا پرۆسێسێن ناڤبری و ب هاریکاریا زانکۆیێن پیزا ل ئیتالیا، ئیفۆریا یا پورتوگالی، ئۆسلۆ ل نەرویج و مۆرسیا ل ئیسپانیا، نەخشەرێیەک هاتەدانان داکو ئەڤ پرۆسێسە پتر خۆجهببن و ئاشنابوون بۆ پشکدارێن وان پتر پەیداببیت و زانکۆیێن پشکدار پتر مفای ژێ وەربگرن.