ئەڤرۆ ل سەرۆکاتیا زانکۆیا دهۆک د. داود سلێمان ئەتروشی سەرۆکێ زانکۆیێ پێشوازی ل مۆزیکژەنێ ناڤدارێ کورد د. دلشاد محەمەد سەعید کر.
د روینشتنەکێ دا و ب ئامادەبوونا هۆنەرمەندان ئەیۆب رەمەزان و سەمەدار مایی، گەنگەشە ل دۆر هندەک پرۆژێن پاشەرۆژی یێن گرێدای هۆنەری و ب تایبەت مۆزیکێ و هەروەسا پتر پێشڤەبرنا پەیوەندیان دگەل زانکۆیێن جیهانی یێن بەرنیاس د ڤی بواری دا هاتنە کرن.
ژ لایێ خۆ ڤە سەرۆکێ زانکۆیێ بەرهەڤیا زانکۆیا دهۆک دیارکر بۆ هەر هەماهەنگیەکێ و د یارکر کو هەر تشتێ خزمەتا لایەنێ ئەکادیمی بکەت، زانکۆیا دهۆک دێ پشتەڤان بیت.
د. دلشاد محەمەد سەعیدی ژ لایێ خۆ ڤە خۆشحالیا خۆ بۆ ڤەکرنا دەرگەهێن زانکۆیا دهۆک دەربڕی بەرهەڤیا خۆ دیارکر بۆ هەر خزمەتەکێ و هەر پێنگاڤەکا ئەکادیمی د بوارێ مۆزیکێ دا.