پێشڤەبرنا شیانێن ستافێ‌ ساخلەمیێ‌
Feb. 24, 2018, 2:54 p.m.

ب بەرهەڤبوونا شاندەكێ‌ كولیژا پەرستیاری كونفرانسێ‌ "پێشڤەبرنا شیانێن ستافێ‌ ساخلەمیێ‌" ل سەرۆكاتیا ساخلەمیا دهۆكێ‌ هاتە گێران، ئەڤ كونفرانسە ژلایێ‌ رێڤەبەریا گشتی یا ساخلەمیا دهۆكێ‌ ب هەڤكاریا زانكۆیا دهۆك و زانكۆیا پولیتەكنیك و زانكۆیا سان رافائیل و ساساری و رێكخراوا ئاسپ و ب پێشتەڤانیا ئاژانسا ئیتالی هاتبوو بەرهەڤكرن.
لدەسپێكێ‌ د. نزار تەیب، رێڤەبەرێ‌ گشتیێ‌ ساخلەمیا دهۆكێ‌ ئاماژە دا گرنگیا رۆلێ‌ ئاڤاكرنا شیانێن كەسی و ب تایبەت ستافێ‌ ساخلەمیێ‌ ژلایێ‌ زانكۆیێن كوردستانێ‌ ب گشتی و ل دهۆكێ‌ ب تایبەتی، دڤی كونفرانسیدا بەحس ل ل ئارمانجێن سەرەكیێن ساخلەمیێ‌ و شیانێن كادرێن ساخلەمیێ‌ دبوارێن جودادا پێشڤەببەت و بڤی رەنگی پرۆگرام پرێڤە چوو.
د. فەرسەت سەعدی بەحس پرۆژەیێ‌ ناڤهاتی كر ب نمایشكرنا نەخشەكی، دووڤدا پەستیارا كولیژا پەرستیاری ل زانكۆیا دهۆك (وەحیدا عەبدوللا) ئەركێن پێدڤیێن پرۆگرامێ‌ مینتورشیپ دانە روونكرن و دیاركرن.
دووڤدا بەرنامە بەردەوامە بوو و چەندین بابەت و برگەیێن جودا تێدا هاتنە نمایشكرن.
راگەهاندنا زانكۆیا دهۆك: هەلز عەلی سەلیم