A MoU with Sienna University
Feb. 14, 2019, 1:09 a.m.

شاندەكێ‌ زانكۆیا كوردستان ل باژێرێ‌ سنە یێ‌ كوردستانا رۆژهەلات ل رۆژا 13/2/2019 سەرەدانا زانكۆیا دهۆك دان و ژلایێ‌ سەرۆكێ‌ زانكۆیا دهۆك پ. د. مصلح دهۆكی پێشوازی لێ‌ هاتە كرن.
شاندێ‌ زانكۆیا كوردستان یێ‌ پێكهاتی بوو ژ سەرۆكێ‌ وێ‌ زانكۆیێ‌ د. فردین اخلاقیان و هاریكارێن سەرۆكێ‌ زانكۆیێ‌ و رێڤەبەرێ‌ پەیوەندیێن نێڤدەولەتی ل زانكۆیا كوردستان، د روینشتنەكی دا كو هاریكارێ‌ سەرۆكێ‌ زانكۆیا دهۆك بۆ كاروبارێن زانستی و خواندنا بلند یێ‌ بەرهەڤ بوو، د. رەند حەمودی رێڤەبەرا پەیوەندیان ل زانكۆیا دهۆك پرێزنتێشنەك ل دۆر زانكۆیا دهۆك پێشكێش كر و تێدا بەحسێ‌ رەوشا زانكۆیا دهۆك كر ژلایێ‌ زانستی و كۆلیژە و قوتابی و مامۆستا و پەیوەندیێن زانكۆیێ‌ ل گەل زانكۆیێن جیهانی و هەروەسا پشكداریا زانكۆیا دهۆك د بەرنامێن زانستی یێن نێڤدەولەتی دا.
د روینشتنێ‌ دا بەحسێ‌ ئیمزا كرنا رێككەفتنەكا زانستی هاتە كرن ل ناڤبەرا زانكۆیا دهۆك و زانكۆیا كوردستان ل باژێرێ‌ سنە یێ‌ كوردستانا رۆژهەلات، هەروەسا بەحسێ‌ پێشخستن و پتر پەرەپێدانا پەیوەندیێن زانستی ل ناڤبەرا هەردوو زانكۆیان دا هاتە كرن.
سەرۆكێ‌ زانكۆیا دهۆك لوگویێ‌ زانكۆیێ‌ پێشكێشی سەرۆكێ‌ زانكۆیا كوردستان ل باژێرێ‌ سنە و شاندێ‌ ل گەل دا كرن، هەروەسا سەرۆكێ‌ زانكۆیا كوردستان ژی لوگویێ‌ زانكۆیا خۆ پێشكێشی سەرۆكێ‌ زانكۆیا دهۆك كر.