پەیمانا هەڤکاریێ دگەل کورسیا یونسکو بۆ بەرهنگاربوونا جینوسایدێ

ل روژا ٩/٢/٢٠٢٠ پروفیسور دکتور صلاح الجابری سەروکێ کورسیا یونسکو بۆ ڤەکولینێن بەرهەنگاربوونا جینوسایدێ ل زانکۆیا بەغدا دگەل د. هشیار زکی سەروکێ سەنتەرێ مەلای گەورە بۆ توژینەوە ل زانکۆیا کویە سەرەدانا زانکۆیا دهوک کرن. ل پێشیێ پروفیسور دکتور مصلح دهوکی ل سەروکاتیا زانکۆیێ پێشوازییا وان کر و ب خیرهاتنا وان هاتەکرن. سەروکێ زانکۆیێ خویاکر کۆ زانکۆیا دهۆک گەلەک گرنگیێ ددەتە بابەتێ جینوسایدێ و زانکۆیا ئێکێ یە کۆ سەنتەرەکێ ڤەکولینێن جینوسایدێ ڤەکریە و بکۆربەند و کونفرەنسێن جیهانی ل سەر نژارا جینوسایدێ کارکریە و نها ژی جینوساید وەک مەنهەج ل زانکویێ دهێتە خواندن و بەرهەڤیا زانکۆیێ نیشان دا بۆ پێکڤە کارکرنێ د ڤەکولین و بەهەنگاربوونا جینوسایدێ دا. پاشی هەر دوو بەرێزان سەرەدانا سەنتەرێ بەشکچی بۆ ڤەکولینێن مروڤایەتی کرن و ل سەنتەرێ ڤەکولینێن جینوسایدێ دگەلل رێڤەبەر و سەروکێن سەنتەرێ بەشکچی و سەنتەرێ ڤەکولینێن جینوسایدێ و سەنتەرێ مەلای گەورە بۆ توژینەوە یێ زانکۆیا کویە پەیمانا هەڤکاریێ دگەل کورسیا یونسکو بۆ بەرهنگاربوونا جینوسایدێ هاتە ئیمزاکرن.