دەربارەى مە

كەسایەتیا سەنتەری: 

سەنتەر ژێدەرەكێ‌ نەتەوەی یێ‌ زانست و زانینێ‌ یە، پسپورە ب كارۆبارێن جڤاكی وئابووری ومێژوویی وكەلتۆری وجوگرافی وسیاسی وستراتیژی ب تایبەت ل سەر ئاستێ‌ نەتەوەیی، ب ئارمانجێن نتەوەیی هاتیە دامەزراندن ولدویڤ دیتن ونامە و ئارمانجێن زانستیێن زانكۆیا دهوكێ‌ ، سەنتەر هاتیە ڤەكرن ل 22 نیسانا سالا 2006 ێ‌ ل بن ناڤێ‌ " سەنتەرێ‌ ڤەكولینێن كوردی وپاراستنا بەلگەناما" وپاش ناڤێ‌ وی هاتیە گهورین كو ببیتە " سەنتەرێ‌ بێشكچی بو ڤەكۆلینێن مرۆڤایەتی" ژبەر پێشهات و پێتڤیێن قۆناغا نوكە ، ودوبارە دارێشتنا سەنتەری د دورهێلەكی نوی دا .  

بیاڤێن گرنگیپێدانا سەنتەری:  

بیاڤێن گرنگیپێدانا سەنتەری هاتینە دارێشتن لدویڤ چەند خەلەكێن جوگرافی و رادێ‌ گرنگیا وان، خەلەكا ئێكێ‌ وسەرەكی هاتیە دەستنیشانكرن دناڤ سنورێ‌ جوگرافیێ‌ هەرێما كوردستانا عێراقێ‌ دا، خەلەكا دووێ‌ ل دویڤ سنورێن دەولەتێن هەڤسووی، وخەلەكا سیێ‌ لدویڤ سنۆرێن دەولەتێن رۆژهەلاتا ناڤین، وخەلەكا چارێ‌ و دوماهیێ‌ هاتیە تەرخاندكرن بو ڤەكولینێن جیهانی.      

گرنگیا هەبونا سەنتەری:  

گرنگیا هەبونا سەنتەری ئەم دشێن دئەڤان خالادا دیاربكەن :  

1. گرنگیا ڤەكولینا زانستی دجێبەجێكرنا ئارمانجێن گەشەپێدانا نتەوەیی دا وپاراستن ودوكیومێنتكرنا مێژووی بتایبەت دبیاڤێن جڤاكی وئابووری ومێژوویی وكەلتۆر وشوینەواری دا. 

2. ل دویڤ پێشهاتێن گرێدای بارێ‌ سیاسی وجڤاكی وئابوری وجیوسیاسی ل سەر ئاستێ‌ نیڤدەولەتی و هەرێمی وناڤخوییی ، فەرە ئەڤرۆكە چەندین راستیێن مێژوویی وجوگرافی وجڤاكی وئابووری وجیوسیاسی وكەلتوری وشارستانی ل دۆر كورد وكوردستانێ‌ بهێنە دیاركرن . 

3. راستڤەكرنا چەندین هزرێن چەوت ل دۆر دۆزا كوردی كو گلالەبوینە ل جەم لایەن ودام ودەزگەهێن نیڤدەولەتی چ بخەلەتیبیت یان ب رێكا چەند دەزگەهێن راگەهاندنێبیت. 

دیتنا سەنتەری: 

زێدەكرنا پشكداریا زانكویا دهوك ب كادر و دام ودەزگەهێن خۆڤە دسەركەفتن ودەستكەفتێن زانستی دا ل هەرێما كوردستانێ‌ دبیاڤێن مێژوویی وجڤاكی وئابووری وجوگرافی وپاراستن ودوكیۆمێنتكرنا نەتەوەی دا، ژبو زێدەكرنا پشكداریا كادرێن زانكۆیێ‌ دجێبەجێكرنا گەشەپێدانا نەتەویی د باڤێن بووری دا.  

ناما سەنتەری : 

پشتەڤانیكرنا كەرتێ‌ ڤەكۆلینا زانستی ودوكیومێنتكرن دبیاڤێ‌ زانستێن جڤاكی و مروڤی دا نەخاسمە لایەنێن نشتمانی ونەتەوەیی ب رێكا پشتەڤانیكرنا دارایی یا پرۆژێن ڤەكۆلینا، وەرگێران وچاپكرنا وان نڤێسینا ئەوێن هاتینە ئەنجامدان ل سەر پاشماوێ‌ نشتیمانی دئەدەبیاتێن دەولەتێن هەڤسووی وبیانی دا. 

ئارمانجێن سەنتەری: 

سەنتەر دێ‌ پێكولێ‌ كەت ژبو جێبەجێكرنا ڤان ئارمانجا : 

1. بلندكرنا ئاستێ‌ ڤەكۆلینا زانستی ل زانكۆیا دهوك دبیاڤێ‌ زانستێن مروڤی دا : 

• زێدەكرنا بەرهەمێ‌ ڤەكۆلینا زانستی دبیاڤێ‌ زانستێن جڤاكی ومروڤی دا لدویڤ پیڤەرێن جیهانی دهەلسەنگاندنا كوالتیا ڤەكولینێن زانستی دا.  

• كاركرن ژبو گرێدانا نامێن لێكتێگەهەشتن وهەڤپشكیێ‌ دگەل دام ودەزگەه وسەنتەرێن هەڤكویف ل سەر ئاستێ‌ ناڤخوویی وهەرێمی ونیڤدەولەتی .

• گرێدانا كونگرە ودیدار وچاڤپێكەفتنێن زانستی وخەلەكێن گەنگەشەكرنێ‌ دهەمی پسپۆرێن زانستێن مروڤی دا، وداكوكی دناڤەروكا واندا ل سەر رەهەندێن نیشتمانی ونەتەوەیی وپاشی هەرێمی ونیڤدەولەتی.     

• پێشخستنا پەیوەندیا دگەل سەنتەرێن ڤەكۆلینا وزانكۆیا دناڤ َ وژدەرڤەی هەرێمێ‌ ل دۆر بابەتێن زانستێن جڤاكی.   

2. پشتەڤانیكرنا پروژێن ڤەكۆلینا ل سەر ئاستێ‌ نەتەوەیی:

• پالڤەدانا ڤەكۆلەرا دبیاڤێ‌ زانستێن مروڤی دا ژبۆ پشكداریكرنێ‌ دپێشخستنا كەرتێ‌ ڤەكۆلینا زانستی دا ب تایبەت دبیاڤێن مێژوو وجوگرافیا وجڤاك ووئابووری وسیاسی، ئەوێن كۆ تامەكا نەتەوەیی و نیشتمانی هەین.     

• پشتەڤانیكرنا پرۆژێن زانستێن خاون كوالتیەكا بەرز دبیاڤێ‌ زانستێن سیاسی و میژوویی وجوگرافی دا . 

• گرێدانا ووركشوپا ل دۆر كەیسێن جڤاكی وئابووری وسیاسی وئاریشێن هەڤچەرخ دناڤ جڤاكێ‌ كوردی دا .  

3. بكارخستنا ئەنجامێن ڤەكۆلینا زانستی دبیاڤێن پراكتیكیدا :

كاركرن ب رژدی ل سەر ڤەگۆهاستنا ئەنجامێن ڤەكۆلینێن زانستێن مروڤی بەرڤ بیاڤێ‌ پراكتیكی دبیاڤێن جڤاكی وئابووری وسیاسی دا ل دام ودەزگەهێن دەولەتێ‌ ول سەر مێزێن خۆدانێن چێكرنا بریارێ‌. 

4. پشتەڤانیكرنا پرۆسا چاپ و وەشان ووەرگێران ودوكیۆمێنتكرنێ‌ ب تایبەت ل سەر ئاستێ‌ نیشتمانی:  

• گرنگیدان ب مێژوویا دەڤۆكی ب رێكا ئەنجامدانا چاڤپێكەفتنێن وێنەكری دگەل دانعەمر ودیدەڤان وچێكەرێن بۆیەرێن مێژوویی وسیاسی دا ، وپاراستنا وان د دوسیێن تایبەت دا.  

• چاپكرن و وەرگێرانا وان نڤیسینێن هاتینە ئەنجامدان ل سەر مێژوویا ئابووری وسیاسی وجڤاكی یا كوردستانێ‌ ب زمانێن بیانی بۆ زمانێ‌ كوردی.

• وەرگێران وچاپكرنا بەرهەمێن نڤێسەر ورۆناكبیر (اسماعیل بێشكچی) بۆ زمانێ‌ كوردی و عەرەبی.  

• ڤەگۆهاستن و وەرگیران وئەنجامدانا ڤەكۆلینا ل دۆر ئەرشیفێ‌ رۆژنامە وپەرتۆكخانێن جیهانی یێن گرێدای دۆزێن كورد وكوردستانێ‌. 

• دویڤچوون وڤەگەراندنا دەستنڤیسێن مێژووی ل دۆر مێژوویا كوردا ل پەرتوكخانێن جیهانی.    

هەیكەلێ‌ كارگێریێ‌ سەنتەری: 

ژبوو سڤككرنا كار وئەركێن كارگێری وزانستێن سەنتەری، هەیكەلێ‌ كارگێریێ‌ سەنتەری ژ سێ‌ یەكەیا پێك دهێت : یەكەیا كارگێری ، لیژنا راوێژكاری وزانستی ، پشكێن زانستی : 

bishikji_ku