تایێ پزیشکییا هناڤا ونشتەرگەری
سەروکێ تایى
د. شڤان نوزد حسين
دكتورا د پزيشكييا هناڤا
ماموستا
ژمارا تلفونێ : 009647507404444
ئیمێل : shivan.hussein@uod.ac
تایێ نشتەرگەری وپزیشکییا هناڤا ئێکە ژ سێ تایێن ئەکادیمی یێن کولیژا پزیشکی ڤیتێرنەری ل زانکویا دهوک ، ئەڤ تایە رادبیت ب پێشکێش کرنا خزمەتێن ڤیتێرنەری بو هەمی جورێن گیانەوەران ( ناڤ مال و کیڤی ) ل پارێزگەها دهوکێ .
ئارمانجا تایێ نشتەرگەری و پزیشکییا هناڤا ئەوە پێشئێخستن و بەلاڤکرنا زانینێ ژبو پێشڤە برنا کەرتێ پزیشکییا ڤیتێرنەری ونەساخیێن ڤەگر وزانستێ نەساخیێن کلینیکی وئەو نەساخیێن بنەجهێ وان ژگیانەوەران ، وهەروەسا زانستێ نشتەرگەریان و پەنجێ ، ئەڤە هەمی دێ بنە پالپشت بو پێشڤە برنا ڤان کەرتان هەروەسا رێکەک ژبو چارەسەری وخو پاراستن ژئێشان .
هەروەسا ئەڤ تایە رادبیت ب ئەنجامدانا نشتەرگەرییان بو گیانەوەرێن مەزن و بچیک .
تایێ نشتەرگەری وپزیشکییا هناڤا ئەرکێ فێرکرنا قوتابیێن خو بستویێ خوڤە دگریت کوهەمی وان بابەتان فێری وان بکەن یێن بو هاتینە دەست نیشان کرن ، هەروەسا سەرپەرشتییا پروژێن وان وگێرانا سمیناران و ئەنجامدانا وورک شوپان وچەندین چالاکیێن گرێدای ئەڤی تایی ڤە.
ستافێ تایی دهەڤکارن دگەل ئێک ژبو پێشکێش کرنا وان خزمەت وپێزانینێن لدەف وان هەین بو پزیشکێن ڤیتێرنەری یێن دەرڤەی کولیژێ و خودان گیانەوەران .
ل یەکا ( کلینیکێ) یا ئەڤی تایی کومەکا تایبەتمەندی یێن کلینیکی بخوڤە دگریت ئەوێن خزمەتێن ڤیتێرنەری و شیرەتکاریێن کلینیکی پێشکێشی جوتیاران وخودان گیانەوەرێن ( کەهی و کیڤی ) دکەن ، سەرەرایی نیشاندانا راهێنانێن کلینیکی بو قوتابیێن پزیشکی ڤیتێرنەری یێن هەردوو قوناغێن چارێ و پێنجێ.