College of Education - Akre
ئەڤرۆ رۆژا چارشه‌مبی ڕێکەڤتى(2020/1/8 ) ڕاگرێ کولیژا پەروەردە – ئاکرێ، رێزدار (پ.هـ .د کریم محمد ککو) سمینارەک لدور (پروسێسا خواندنێ و رێنمایێن بەرکار) ل (هۆلا فەزلونى)، ب ئامادەبوونا سەرۆک بەش و نوینەر و لیژنەیێن قوتابیان ل کولیژا مە پێشكه‌شكر. دئەڤێ سمینارێ دا ب تێروتەسەلى باس ل پروسێسا خواندنێ و بڕیارێن نوی یێن کابینەیا نوى یا حکومەتا هەرێمێ ئەوێن دبەرژەوەندیا قوتابیان دا و رێنمایى و ڕێکارێن نوییێن کولیژێ بۆ سالا نوی یا خواندنێ (2020/2019)هاتنەکرن. هەروەسا باس ل ئەرکێ قوتابى و پێگیربوونا وى ب دەوامێ، و ڕێزگرتن ل ماموستایێ کولیژێ و پەیوەندییێن دناڤبەرا قوتابى و ماموستاى دا، و پاراستنا ژینگەها کولیژێ و کەل و پەلێن دناڤدا هاتەکرن. ئەڤە زێدەبارى چەندین خالێن دیترێن گرێدایى ب رەوشا خواندنێ دسمینارێدا هاتنە باسکرن. لدوماهیێ جەنابێ ڕاگرى ژ نێزیكڤه گوهداریا ڕاو بوچوونێن قوتابیان کر.