کومبوونا جڤاتا کولیژێ
سێیەمین کومبوونا جڤاتا کولیژا مە یا پەروەردلا وەرزشى ئەڤرو رێکەفتى ( ٦-٤-٢٠٢٠ ) لدەمژمێر ( ٨:٣٠ )ێ بشەڤ بشێوێ ئون لاین بئامادەبونا بەرێز ( پ.د. احمد قاسم محمد ) راگرێ کولیژێ و بحازربونا گشت ئەندامێن جڤاتێ برێڤەچوو پشتى بخێرهاتنێ گەنگەشە لسەر چەند تەوەران هاتە کرن
١- خواندنا ئێڤاران بو سالا خواندنێ ( ٢٠٢٠/٢٠٢١ ) . دئەڤێ کومبوونێدا بریار هاتە کو دەرگەهێ کولیژێ بو خواندنا ئێڤاران بو سالا خواندنێ ( ٢٠٢٠/٢٠٢١ ) بهێتە گرتن و هیچ قوتابیەکێ نە وەرگرن .
٢- ئەکاونتێن ماموستایان . هەردوو سەروک لقێن زانستى هاتنە سپاردن کو هەمی ماموستا بهێنە ئاگەهدارکرن کو هەر یەک بباشترین شێوە خو بەرهەڤ بکەن و ئەکاونت و وانێن خو ئامادەبکەن ژبو گوتنا وانان بشێوێ ئون لاین .
٣- تەکەزکرن لسەر چێکرنا ئیمەیلێن قوتابیان . پشتى بو چەندەمین جار قوتابى هاتینە ئاگەهدارکرن ژبو چێکرنا ئیمەیلێن تایبەت ژ بو (Learning Moodle ) کو جهێ دەستخوشیێ یە کو پرانیا قوتابیان ئەف ئیمەلە بو خو چێکرین . بەلێ هەر قوتابیەکێ چێنەکربیت ئەو یێ پەرپرسیارە ژهەر بریارەکا بهێتە دان ژلایێ راگریا کولیژێ .
* د تەوەرەکێ دی یێ کومبوونێدا وپشتى ئامادەبونا ئەندامێ سەروکاتیا کونفرانسى بەرێز ( پ.هـ.د. نشوان محمود الصفار ) دگەل سەروکێ لیژنا زانستى یێ دووەمین کونفرانسێ کولیژا مە بەرێز ( پ.د. چاچان محمد جمعە ) بتێر و تەسەلى بەحس بەرنامە و برگ و چەوانی برێڤەچوون و ژڤانێ کونفرانسى هاتە کرن چونکە وەک لپێش وەخشت بریاربوو کو دووەمین کونفرانسێ زانستى / یێ کولیژا پەروەردا وەرزشى و ئێکەمێ هەڤپشک دگەل سەنتەرێ ( نون ) یێ ڤەکولینان لرێکەفتى ( ٨-٩/٤/٢٠٢٠ ) بهێتە گێران . بەلێ لگورەیی ئەڤ کاودانێن سەخت و نە چاڤەلێکرى و ژبەر بەرلاڤبوونا ڤایروسێ ( کورونا ( کوڤید ١٩ ) Covid-19 ) ، سەروکاتیا کونفرانسی دگەل جڤاتا کولیژێ بریاردا کو ئەڤ کونفرانسە بشێوێ ئەلکترونى ( ئونلاین ) بهێتە گرێدان لروژا سێ شەمبى رێکەفتى ( ٢١-٤-٢٠٢٠ ) لدەمژمێر ( ٤:٠٠ ) ئێڤارى .
لدوماهیێ راگرێ کولیژێ داخوازا خو پاراستن و ساخ و سلامتیێ بو ئامادەبویا خواست .