زانکویا دهوک- کولیژا دەرمانسازى
- زانستێ دەرمانان
زانستێ دەرمانان ئێکە ژ لقێن زانستێن دەرمانسازى کو گرنگیێ ب خواندن و ڤەکولینا دەرمانان ددەت، ژبەرکو دەرمان هەر گەردیلەکە یا هاتى چێکرن ب شێوێ سروشتى یان دەستکرد یان هاتیە بەرهەمئینان ژ لەشێ مرۆڤی و کارتێکرنەکا کیمیاوى - زیندى و فیسیولوژى ل سەر خانە و شانە و ئەندام و بونەوەرێن زیندى هەیە.
زانستێ دەرمان و دەرمانێن ژەهراوى دهێنە هژمارتن ژ زانستێن زیندى یێن گرنگیێ ب تاقیکرنا پێکهاتێن کیمایی و رولێ ئەوان ل گەل سیستەمێن زیندى ددەت. ئەڤ زانستە رادبیت ب پێدانا بنیاتەکێ زانستى ژبو کارێ کیمایی د زانستێ تەندروستى دا، وەکە بکارئینانا دەرمانان وەکو ژێدەر ژبو چارەسەریان یان کەرەستە ژبو ڤەکۆلینان، دیسان پێشڤەبرن و چاڤدێری ل سەر بەرهەمێن دەرمانسازىێ دکەت. هەروەسا دویرئێخستن ژ پاشماک و ژینگەها جڤاکى دسروشتى دا دکەت.
ئەو تشتێ گرێداى ب لایەنێ زانستى و پراکتیکى ڤە ئەوە کو قوتابى رادبن ب چێکرنا چەندین ئەزموونێن جیاواز لسەر گیانەوەرێن لابورى ژبو زانینا کارتێکرنا جیاواز یا جورێن دەرمانان ل سەر سیستەمێ ژیانێ.
- بەشێ دەرمانان
بەشێ دەرمانان ب ئێک ژ بەشێن گرنگ ل کولیژا دەرمانسازى دهێتە هژمارتن، ل زانکویا دهوکێ، کو ئەڤ بەشە ل سالا ٢٠٠٩- ٢٠١٠ ێ هاتیە دامەزراندن، نوکە ئەڤ بەشە دکەڤیتە قاتێ دووێ ل ناڤ ئاڤاهیێ کولیژێ، ئەڤ بەشە یێ پێگیرە ل دور رولێ چالاک ب بجهئینانا مەرەم و پەیاما کولیژا دەرمانسازى و پشکداریا چالاک د زانستێن کولیژا دەرمانسازى دا.
سەرەراى خاندنا قوتابیێن سەرەتایی، بەش رادبیت ب فێرکرنا قوتابیێن کولیژا دەرمانسازى ل گەل قوتابێن کولیژا پزیشکى، پزیشکیا ددانان و قوتابێن پەرستاریێ، دیسان بەشێ فارماکولوژى دەلیڤا خواندنێ ژبو قوتابێن خاندنا بلند ب زانستێ دەرمانان و ئەو زانستێن گرێداى ب ئەڤى بەشى ڤە ژبو قوتابیان دابین دکەت.
ڤەکۆلینێن زانستى ل بەشى دهێن کرن ژبو خزمەتکرنا پێشئێخستنا دەرمانان و چارەسەریێ ژبو نەخوشان ب شێوەیەکێ باش و ب رێکەکا نموونەیى. هەروەسا ئەندامێن بەشى د هاریکارن ل گەل هەڤالان ل هەمان بەشێن بنەرەتى و کلینیکى ژبو زانستخوازیا بەردەوام.
هەمى ئەندامێن بەشى ب هەمى هەول و شیانێن خوە بزاڤێ دکەن ژبو پێشئێخستنا پێدڤیاتێن کولیژێ و زانکویێ و هەروەسا کومەلگەهێ ب شێوەیەکێ گشتى ب چالاکیێن جوراو جور کو ئەڤە حەزەکا گشتى یە ل دەڤ هەر تاکەکى ب هەر شێوەیەکێ هەبیت پێشکێش دکەت.
Head of the Department of Pharmacology
Assistant Lecturer/Rabie Gabriel Abdullah
rabie.gabriel@uod.ac
- ئارمانج
پێشڤەبرن و خواندنا زانستێن دەرمانان ب شێوەیەکێ تەواو دگەل زانستێن پزیشکى و تەندروستى یێن بنەرەت د کولیژا دەرمانسازى و کومەلا ژزیشکى ب شێوەیەکێ گشتى ، زێدەبارى گەشەپێدان و گرنگیدان ب چالاکیێن ڤەکۆلینێن زانستى، کو ئەڤە ئارمانجا سەرەکى یا هەر تاکەکێ بەشى یە.
- دیتنا زانستى
بەشێ دەرمانان ل کولیژا دەرمانسازى- زانکویا دهوک بەشەکێ نموونەیى یە دبوارێ زانستێ دەرمانان و ژهراوى یێدا ل سەرانسەری کوردستانێ ب شێوەیەکێ تایبەت و ل عێراقێ ب شێوەیەکێ گشتى ، ئەوژى دبوارێ پێدانا باشترین شێوێ زانستى و پراکتیکى بۆ قوتابیێن کولیژا و دەرمانسازیێ و پزیشکى و خواندنا بلند.
- ئەنجام
١- فێرکرن
- بەردەوامى دان ب دابینکرنا ژینگەهەکا فێرخواز ژ جورێ پێشکەفتى ل سەر بنەمایێ فێرکرنا کومەلێ.
- پێشئێخستن و بجهئینانا یەکەیێن فێرکرنێ ئەوژى ژلایێ بکارئینانا کەرەستێن دەرمانسازی یێن هەڤچەرخ و ستافێ دی یێ پزیشکى و ساخلەمى دبنەمایێ فێرکرنێ دا.
- دانانا خالێن ل دویڤ چونێ بو قوتابیان و ژێگرتنا رێکێن باش و گهورینا بەردەوام بەرەڤ باشتر.
٢ - ڤەکۆلینێن زانستى
- دەولەمەندکرنا بەرهەمێن بەشى ژلایێ ئەکادیمى وڤەکۆلینانڤە، دیسان دووپاتکرنا بەرنامێن پێشکەفتى ل کولیژێ.
- کارکرن ل سەر بکارئبنانا قوتابیان دچالاکیێن ئەکادیمى و ڤەکۆلینان وپشکداریکرنا وان دپێشخستنا زانستى دا.
- ئاسایکرنا هاریکاریێ ل گەل ڤەکۆلەرا ل بەشى و کولیژو زانکو و دامودەزگەهێن دیتر.
٣- چاڤدێریا نەخوشان و خزمەتگوزاریێن گشتى
- پێدانا دەرفەتێن فێرکرنێ ژبو قوتابیان داکو د پشکداربن ژبو چاڤدێریا نەخوشان و مفا وەرگرتن ژئەڤان دەرفەتان ل داهاتوى دا.
- بەردەوامى دان ب دابینکرنا بەرنامێن فێرکرنێ ل ناوچێ ژبو پێشئێخستنا داهاتێ ساخلەمیێ.
- دیارکرنا ناوچێن کێم خزمەت گوزاریێن و پێزانیێن ساخلەمیێ و هاریکاریا ئەوان.