ل بەروارێ ٠٦/١٠/٢٠١٦ وورکشوپەک بناڤ و نیشانێ IELTS Preparation Workshop ژ ئالیێ ماموستا زهیر رشدی مصطفی بەرپرسێ هودەیا فێرخوازیا بەردەوام ل هولا سمیناران هاتە رێکخستن و لدارخستن. ل وورکشوپا ناڤبری چەندین ماموستایێن کولێژێن پەرستاری و پزیشکی پشکداربون.
ئەو وورکشوپە ب مەرەما پێدانا زانیاریان لدور ئەزمونا ئایلتس یا ئینگلیزی بۆ داخوازکەران هاتە لدارخستن.ئەنجام دانا ئەزمونا ئایلتس بۆ پێشکێشکەرێن قوناغێن ماستەر و دوکتورا و هەروەسا داخوازکەرێن ناسناڤێ زانستی ل هەرێما کوردستانێ پێدڤیە.
ل وورکشوپا ناڤبری تەکەز لسەر پرۆسەیا پێشکێش کرن، تەکنیکێن گرێدایی ب چوار بەشێن بهیستن، نڤیسین، خواندن، و ئاخڤت هاتە کرن. چەندین تەکنیکێن وەها هاتنە پێشکێش کرن کۆ دکارن هاریکاریەکا گەلەک باش بۆ داخوازکەرێن ئەزمونا ئایلتس دەستەبەر بکەن دا کۆ ئەنجاما دلخوازی بدەست بینن.