دەرامەتێن كێلگەیی
April 16, 2023, 7:52 p.m.

پشکا دەرامەتێن کێلگەیی ھاتیە دامەزراندن لدویف فەرمانا وەزارەتا خواندنا بلند و تویژینەوەی زانستی یا ھەرێما کوردستانێ ژمارە ٦٦٧ ل ١٧/٦/٢٠١٢ و فەرمانا زانکویا دھوک ٤٦٦٣ ل ٢٤/٦/٢٠١٢ ل فاکولتیا چاندن و دارستانێ  / باژێرێ سێمێل بدویراتیا ١٥ کیلومترا ل سەنتەرێ باژێرێ دھوک.

ئێکەم خولا قوتابیان ھاتنە وەرگرتن  ل پاییزا ٢٠١٢.

ئەرکێن پشکێ:

پشک پێزانینن گرنگ لدور ئاریشێن بەرھەمئینان و پەروەردەکرنا دەرامەتێن کێلگەیی ل دەڤەرێ و لێگەریانا ژێدەران و پێتڤیا بازاری فێری قوتابیان دکەت.

ھەروەسا پشک پشتەڤانیێ ل پروگرامێن ڤەکولینان دکەت و ھەولددەت بو چارەسەرکرنا ئاریشێن چاندنێ و ئینانا توخمێن نوی ، زبل، ئاڤدان، ئامیرە، سەرەدەریا گژوگیایان ، پشکنینا توڤان و بووارێن فسیولوژیا دەرامەتێن کێلگەیی.

ئارمانجێن پشکێ:

پشکا دەرامەتێن کێلگەیی دەرفەتێن باش بو شارەزابوون د فێرکرن و پروگرامێن ڤەکولینا سازدکەت داکو قوتابی بشێت چارەسەریا ببینیت بو وان ئاریشێن گرێدایی پەروەردە و بەرھەمئینانا دەرامەتان دبن و بنەما و سەرەدەریا زەڤیێن دەرامەتان تێبگەھیت چونکە ھەرێما کوردستانێ زەنگینە ب دەشت و ئاخێن پڕ پیت و ژێدەرێن ئاڤێ بو پتریا دەرامەتان.

پروگرامێن فێرکرنێ:

ئارمانجێن پشکێ بجە دئێن ب ھەڤسەنگی و ئێکدوو تەمامکرنا فێرکرن و ڤەکولینێ و چالاکیێن دیتر  داکو ئاسانتر بگەھنە ئارمانجێ. و چالاکیینَ پشکێ ڤان بوواران بخوڤە دگریت :

  • پەروەردەکرنا دەرامەتان.
  • بەرھەمئینانا دەرامەتان.
  • فسیولوژیا دەرامەتان.
  • تەکنولوژیا توڤی.
  • بنبرکرن و سەرەدەریا گژوگیایان.

ئارمانج ژ پروگرامێن خواندنێ:

  • ھزر و بیرێن قوتابی بەرفرەە دکەت ل ھەمی بووارێن دەرامەتێن کێلگەیی دا.
  • پێزانینن گرنگن زانستی بو قوتابی پەیدا دبن داکو ل ئایندەیدا دەست ب خواندنا بلند بکەت.
  • بنەمایەکێ باشێ پێزانینا بو قوتابی پەیدا دبیت داکو پتر دەرفەتا کارکرنێ بو دەرچویێن پشکێ پەیدا ببیت.
  • پروگرامێن خواندنێ بھێنە پێشڤەبرن برەنگەکی کو بو ھەردەمژمێرەکێ یەکەک بھێتە ھژمارکرن.

دەرفەتێن کارکرنێ بو دەرچویێن پشکێ:

دەرچویێن پشکێ دشێن کاربکەن ل کەرتێ گشتی (میری) یانژی تایبەت:

  • وەزارەتا چاندن و ژێدەرێن ئاڤێ.
  • وەزارەتا بازرگانی (سایلو).
  • پروژێن سەخبێریا ئاخێ.
  • وورکشوپێن لدور پەروەردە و سەرەدەریا کێلگەھێن دەرامەتان.
  • وێستگەھێن ڤەکولینێ.
  • بەرھەڤکرنا کادری بو پەیمانگەە و ئامادەییا.