ل ساڵا 1992ێ زانکۆیا دهۆک ل پارێزگەها دهوكێ هاتە دامەزراندن، كۆلیژا پزیشكی و كۆلیژا چاندنێ ئێكەمین كۆلیژ بوون هاتین دانان، كۆلیژا مە ل سەر روویبەرێ پتری 160 دونەمان دكەڤیتە 15كم ل ڕۆژئاڤایێ باژێرێ دهۆكێ هاتە دامەزراندن ژبۆ مەرەمێن پێشئێخستن بەرهەمێ نافخۆیی ب رێكا ڤەكولینێن زانستی زەڤیێن كۆلیژامە ب ئاڤا كانێن سروشتی و یا بیرتەوازیان دهێتە ئاڤدان و دهێتە بكارئینان ب روویبەرەكێ بەرفرهە ژ لایێ مامۆستا و كرێكارێن كۆلیژێ ڤە بۆ چاندنا بەرهەمێن وەكی ( برنج، كونجی، گەنم، جەه، گەنموك و باقلك، و زەرزەواتێن جۆراوجور و بەرهەمێن وەرزێ زڤستانێ، ... )،زێدەباری زەڤیەكا دارێن باهیڤێ كۆ ب سیستەمێ رەشاندنێ دهێتە ئاڤدان، هەروەسان دوو خانیێن شویشەی و گەلەك خانیێن پلاستیكی و دوو خانیێن داری بۆ چاندنا دەرامەتان و گولان، هەروەسان تاقیگەهەك بۆ چاندنا شانەیێن رووەكی، و جهێن تایبەت بۆ خودانكرنا مێشێن هنگڤینی بۆ بەرهەمهئینانا هنگڤینی و كێڵگەهێن خودانکرنا مریشك و سیسك و پەز و ماسی هەنە ل كۆلیژا مە.
كۆلیژا چاندنێ گرنگیێ ب دارستانێ ددەتن كۆ تێدا زەڤیێن مشمش و خوخ و هرمیكان دگەل نەمامگەهەكێ هاتینە دروستكرن، هەروەسان ل كۆلیژێ گەلەك دەزگەهێن ب دارستانێ ڤە گرێدای وەك نەمامگەهێن داران و ئێسگەها كەش و هەوای و باخچەیان هەنە، ... هتد كۆلیژا چاندنێ ئێكە ژ دەزگەهێن زانستیێن سەرەكی و پێشكەفتی ل باژێرێ دهوكێ. كۆلیژا چاندنێ ب رێكێن نوی و سەردەمانە قوتابیێن خۆ فێردكەت ژ هەردوو لایێن تیوری و پراكتیكی ڤە ژبۆ مەرەمێن شارەزابوون د هەردوو بوارێن چاندنێ و ڤەكولینێن زانستی دا.
دەرچوویێن كۆلیژا مە زانینەك رێك و پێك و ب بەها وەردگرن كۆ شیان هەنە پڕۆژەیێن چاندنێ ب شارەزاییانە برێڤە ببەن.
كۆلیژا چاندنێ ب كارێ شیرەتكارییێ رادبیتن برێڤەبرنا هەمی پڕۆژەیان و چارەسەركرنا كێشەیێن ب چاندنێ ڤە گرێدای وەك نەخۆشیێن رووكان وەك مێشك و قركەرێن وان، دەستنیشانكرنا نەخۆشیان و كۆنترول كرنا وان، و ب كارئینانا پەیینان و برێڤەبرنا زەڤیان و چالاكیێن پراكتیكی دابینكرنا ڤان بەرهەمان بخۆڤە دگریتن ( زەرزەواتێن جۆراوجور، نەمامگەهێن گولان و نەمامگەهێن دارێن فێقی و یێن جوانییێ، خۆدانكرنا مێشان و بەرهەمهئینانا هنگڤینی و بەرهەمێن گیانەوەری یێن جۆراوجور.
كۆلیژا چاندنێ پلا بەكالوریوسێ د بوارێن جودا جودا دا پێشكێشی قوتابیێن خۆ دكەتن ل دویڤ پشكێن ل خوارێ دیاركری
1- رەزگەری.
2-دارستان.
3- بەرهەمێ گیانەوەری.
4- پاراستنا رووەكی.
5- زانستێن ئاخ و ئاڤی.
6- توریزم.
7- شیرەتکاری و جڤاكێ گۆندایەتی
هەروەسان كۆلیژا مە شیان هەنە قوتابیێن ماستەر و دكتورایێ وەربگریتن د بوارێن خوارێ دا دیاركری:
1- زانستێن ئاخێ.
2- چاندنا شانەیێن رووەكی.
3- پاراستنا رووەكی.
4- بۆماوەزانی و َپێشئێخستنا بۆماوەیێن رووەك و گیانەوەران
5- بەرهەمئینانا زەرزەواتی.
6- بەرهەمئینانا فێقیێن كەسك.
7- زانستێن داری.
8- پێشەسازیێن دارستانێ.
9- برێڤەبرنا دارستانێ.
10- زانستێن خوارنێ.
11- زێدەكرن.
12- گوشت و زانستێَن وێ
13- سیستەمێن برێڤەبرنێ.
چالاكیێن زانستی:
كۆلیژا چاندنێ هەڤكاری یێ دگەل هندەك زانكۆیێن عیراقێ و سەرانسەری جیهانێ ژبۆ دابینكرنا رێكا بۆ قوتابیێن خۆ كۆ بشێن بەشداریێ د كورسێن خواندنا بلند و ڤەكولینان دا بكەن، زانكۆیا مە رێكکفەتن هەنە دگەل زانكۆیا (هاوای) ل ئەمریكا و زانكۆیا (ئەلیپو) ل ئیتالیا، هەروەسان سوریا رێكێ ددەتە هندەك قوتابیێن زانكۆیا دهۆك كۆ كاری ل سەر ڤەكولین و شلوڤەكرنێ دا بكەن ژدەرڤەی وەلاتی، هەروەسان هەڤكاریێن دی هەنە ژبۆ رێكخستنا ووركشۆپان دگەل زانكۆیا ئوردنێ و زانكۆیا ئەمریكی یا بەیروتێ