كولیژا یاسا
دڵنیایى جورى ل كولیژا یاسا وزانستێن رامیارى
ئێكهم: رامانا دڵنیایى جورى
رامان ژ دڵنیایى جورى دبوارێ فێركرنێ پشت راست بوونه ژ باشى وجورێ فێركرنێ د ناڤ دامودهزگایێن ئهكادیمى دا وكا چهند ولاسایى كرن ونێزیك بوونا وێ ژ پیڤهرێن ئهكادیمی د زانكو و دامودهزگایێن ئهكادیمى یێن بناڤ ودهنگ، وكار دهێتهكرن موكوم كرنا وێ باشى وجوریێ برێكا پێگههاندنا شیانێن دهستهیا فێركرنا ڤهكولینێ وزانستى زێدهبارى پێگههاندنا شیانێن قوتابى یێن فیرَكارى لدویڤ نویترین بنهما ورێبازێن ئهكادیمى بۆ مسوگهركرنا بهرههڤكرنا قوتابیهكێ پێگههشتى ژلایێ پێزانینا وپێگههشتنا هزرى یا شروڤهكرنێ كو بشێت بگههیته چارهیێن گونجاى بۆ ئاریشهیێن جڤاكى پشتى بدوماهیك ئینانا خاندنێ.
دووهم: ئارمانج ژ دڵنیایی جوری
ئارمانجا بهرنامێ دڵنیایی جوری ئهو لایهنێن پروسهیا فێركارینه دناڤا كولیژێ دا كو پێكدهێن ژ قوتابی وئهندامێن دهستهیا وانهگوتنێ، وسهبارهت قوتابی ئارمانجا بهرنامهی گهشهكرنا شیانێن قوتابی یێن زانستی وڤهكولینێ ورێپیشاندنا وی بۆ نویترین وسهركهفتیترین ئالاڤ وپهیرهوێن ئهكادیمی برێكا ڤهكولین وخهلهكێن گهنگهشهیی یێن زانستی ئهوێن ژێ دهێنه داخازكرن دسالا خاندنێ دا. وگومان تێدا نینه كو پێشئێستن وگهشهكرنا شیانێن لایهنێن پروسهیا فێركاری برێكا ئامرازێن بهرنامێ دڵنیایی جوری ل دوماهیێ ئارمانج ژێ خزمهتكرنا جڤاكی یه برێكا زهنگین كرنا وی كادرێن تایبهتمهند وخودان شارهزایی وشیانێن هزری كو بشێن ل بهرامبهر ئاریشهیێن جڤاكی براوهستن وچارهیێن گونجای وسهركهفتی بۆ ببینن.
سێیهم: ئامرازێن بهرنامێ دڵنیایی جوری
ژ بۆ دهستهبهركرنا ئارمانجێن خو بهرنامێ دڵنیایی جوری پشتبهستنێ ب چهند ئامرازهكا دكهت وئهو ژی:
1. پشتبهستن ب سیستهمێ نامیلكا بابهتی (كورس بوك) د وانهگوتنا بابهتان دا، وئهڤ نامیلكه یهكهیێن بابهتی بخوڤهدگریت ئهوێن دێ ماموستا شروڤهكهت قوتابیان دسالا خاندنێ دا، ههروهسا نامیلكه ژێدهرێن سهرهكی ولاوهكی ئهوێن پشتبهستن پێ هاتیهكرن دگوتنا بابهتی دا بخوڤهدگریت سهرهرای نموونێن پسیارێن دبیت بهێن.
2. هاندانا قوتابی لسهر پشتبهستنێ ب ژێدهرێن جوراوجور دوهرگرتنا پێزانینێ دا وسهرهدانا پهرتوكخانێ.
3. گرنگی دان ب پهرتوكخانێ زهنگین كرنا وێ بژمارا گونجای ونوی ژ پهرتوك وگوڤارێن یاسایی ورامیاری یێن تایبهتمهند، كو ببنه هاریكار بۆ قوتابی دخاندنا وی وی دا وگهشهكرنا شیانێن وی یێن كهسی دا كو خو پێشبئێخیت.
4. پشتبهستن بئالاڤێن تهكنولوجی یێن نوی دوانهگوتنێ دا وهكی بكارئینانا پروگرامێ (PowerPoint)ی دشروڤهكرنا بابهتی دا.
5. داخازا ئهنجامدانا چالاكیا ڤهكولینێ ژ وانهبێژی دسالا خاندنێ دا، زێدهباری داخازا بهرههڤبوون وئهنجامدانا خهلهكێن گهنگهشهیی یان ڤهكولینێ (سمینارا).
6. داخازكرن ژ وانهبێژی كو كورتیهكێ لسهر چالاكیێن خو یێن زانستی وڤهكولینێ دماوێ سالا خاندنێ دا پێشكێش بكهت لژێر ناڤێ چانتا زانكویی كو دهێته ههڵسهنگاندن.
7. پشتبهستن ب ههڵسهنگێنهرێ دهرهكی لدوماهیا سالا خاندنێ ژ بۆ ههڵسهنگاندنا پسیارێن ئهزموونا وپشتراستبوون ژ وهك یهكیا وان دگهل ستانداردێن پشتبهستن پێ هاتیهكرن ددانانا پسیارادا بشێوهیهكێ زانستی ودادپهروهرانه.
چارهم: ئامرازێن ههڵسهنگاندنا دڵنیایی جوری
دڵنیاییا جوری یا فێركرنێ دكولیژێ دا ب ڤان رێكێن لخوارێ دهێتهكرن:
1. ههڵسهنگاندنا قوتابی بۆ ئهندامێ دهستهیا فێركاری برێكا بهرسڤدان لسهر فورما پسیارێن گرێدای شیانێن وانهبێژی لسهر گههاندنا بیروكێ وشێوازێ وی دشروڤهكرنا بابهتی دا.
2. ههڵسهنگاندنا دهستهیا فێركاری بۆ وانهبێژی پشتی دارێشتنا بابهتهكی وهك سمینار.
3. ههڵسهنگاندنا ههڵسهنگێنهرێ دهرهكی بۆ پسیار ودهفتهرێن ئهزموونا.
4. ههڵسهنگاندنا چانتا زانكویی یا وانهبێژی.
پێنجهم: پهیكهرێ كارگێری
پهیكهرێ كارگێری یێ بهرنامێ دڵنیایی جوری لكولیژا یاسا وزانستێن رامیاری پێكدهێت ژ یهكا دڵنیایی جوری كو دهێته برێڤهبرن ژلایێ ئێك ژ ئهندامێن دهستهیا كارگێری دكولیژێ دا (پهرپرسێ دڵنیایی جوری) وژمارهیهكا رێكخهرا ژ دهستهیا فێركاری هاریكاریا وی دكهن بۆ ههر قوناغهكا خواندنێ رێكخهرهك ههیه. ویهكا دڵنیایی جوری لكولیژێ گرێدای یهكا دڵنیایی جوری یه ل سهروكاتیا زانكویێ.