راگرێ کولیژێ
دەربارەى کولیژێ
كولیژا یاسا و زانستێن رامیاری وەك پشكا یاسا لسالا خواندنی (1997- 1998) لكولیژا كارگێری وئابوری هاتبووڤەكرن و لدیف بریاراجڤاتا فێركرنا بالا و ڤەكولینێن زانستی ژمارە (15) لروژا (22/5/1999) هاتیە دامەزراندن وەك كولیژ و سالاخواندنێ (1999-2000) ڤێ كولیژێ بناڤێ كولیژا یاسا و رامیاری قوتابی وەرگرتن. وپشكا یاسا ئیڤاری لسالاخواندنێ (2003-2004) هاتیەڤەكرن ل سالا خواندنێ (2013- 2014) كوتایی ب خواندنێ ل ئەڤی پشكێ هاتیە، و پشتی پەیرەوكرنا سیستەمێ فاكولتیا بویە فاكولتی لدویف بریارا وەزارەتا خواندنا بلند ژمارە (2074) ل روژا (9/12/2013) و فەرمانا زانكویی ژمارە(11072) ل روژا (16/12/2013)، و دیسان بویە كولیژ پشتی نەمانا سیستەمێ فاكولتیا لدیف فەرمانا زانكویی ژمارە(5555)ل روژا (12/8/2015) و ونوكە ئافاهیێ وی یێ تایبەت دكەڤیتە كومەڵگەها زانكویا دهوك ل مالتایێ.
ماوێ خواندنێ لڤێ كولیژێ (4) ساڵن وقوتابی باوەرناما(بەكالوریوس) بزانستێن یاسایی و زانستێن رامیاری وەردگرێتن وئەڤێ كولیژێ دووپشك یێن هەین، ئەوژی :
1. پشكا یاسا.
2. پشكا زانستێن رامیاری.
نوكە ژمارا قوتابیان ل هەردوو پشكا دبنە (437) .هەروەسا ستاڤێ ماموستایێن خودان باوەرنامێن بلند (51) ماموستانە ب پلا (دكتورا و ماستەر) ێ. هەروەسا ژمارا دەرچوویا ژڤێ كولیژێ هەتا نوكە دبنە (1361) دەرچوی.
خاندنا بلند ( ماستەر ) بو جارا ئیكێ لسالا خواندنی (2003-2004) هاتیە ڤەكرن، نوكە (14) قوتابی یێن ماستەرێ ل قوناغێن جیا جیا ل كولیژا مە هەنە ل بوارێ یاسا تایبەت (7) قوتابی و یاسا گشتی (4) قوتابی و مافی مروف (2)وخاندنائاشتی وچارەسەركرناململانێ (1) قوتابی و هەروەسا (3) قوتابیێن دكتورایێ هەنە كو ل سالا خواندنێ ( 2013- 2014) هاتینە وەرگرتن لدویف سیستەمێ سپلیت ساید .
ل كولیژا یاسا و زانستێن رامیاری دوو سەنتەر و كلینیكەك هەیە:
1- ناڤەندا ڤەكولینێن یاسایی ورامیاری
2- ناڤەندا دیموکراسیێ ومافێن مروڤى
3- كلینیكا یاسایی : ئەڤ كلینیكە لدیف فەرمانا وەزارەتا خواندنا بلند ژمارە (18047) ل رێكەفتی (17/9/2014) و فەرمانا زانكویی ژمارە ( 6934) ل رێكەفتی (23/9/2014) هاتە ڤەكرن و ئارمانجێن سەرەكی یێن ڤێ كلینیكێ:
· پێشكێشكرنا خزمەتێن یاسایی بو چینێن لاواز بێ بەرامبەر كو نوێنەراتیا یاسایی و راوێژكارێن یاسایی بخوڤەدگریت.
· تێكەل كرنا لایەنێ تیوری دگەل لایەنێ پراكتیكی.
· فێركرنا قوتابیان ب پیرابونێت بەرزكرنا سكالا و هونەرێ پارێزەریێ .
بو زانین كولیژا مە رابویە ب گێرانا كونگرێ دووێ یێ نیف دەولەتی ب ناف و نیشان ( رێكین شوینگر بو دادوەریێ بو چارەسەركرنا هەڤركیا ) ل رێكەفتی ( 12-14/ 5/2015).
ژ هە ژێ گوتنێیە كو كولیژێ پەرتوكخانەكا دەولەمەند هەیە بژێدەرێن زانستی د بوارێ یاسایی و زانستێن رامیاری دا و نێزیكی(24571) ژێدەرانە بزمانێن (كوردی- عەرەبی- ئینگلیزی) و هەروەسا پەرتوكخانەكا ئەلكترونی هەیە كو نیزیكی (2364) ژێدەر تێدا هەنە.