ل رۆژا 11/4/2019 مامۆستا و قوتابیێن كۆلیژا زانستێن تەندروستی ل زانكۆیا دهۆك سەرەدانەك رێكخست بۆ مالا دانعەمران و ئەو كەسێن د ناڤ مالا دانعەمران دا دهێنە خودان كرن پشكنین بۆ هاتنە كرن.
راگرێ كۆلیژا زانستێن تەندروستی د. ئیسماعیل محەممەد گۆت مە ب فەر دیت ئەڤرۆ سەرەدانا مالا دانعەمران بكەین كو مە تیمەكا نوژدارێن تایبەتمەندێن هەین ل كۆلیژا زانستێن تەندروستی و تیمەكا ستافێ مە ل لابورێن پزیشكی ئەم یێن هاتین دا خزمەتا وان بكەین.
گۆت ژی نوژدارێن مە یێن تایبەتمەند هەر ئێكی ئەم ل دویف نەخۆشیا وی كا چ پشكنین هەنە دێ بۆ نڤیسین و دگەل تایبەتمەندێن تاقیگەهێ ژی دگەل مە پشكدارن دا خوینێ ژێ بكێشین و بەینە تاقیگەهێن خو یێن كۆلیژێ و هەمیان بو تاقی كەین و مە دیت كو ئەڤ دانعەمرە پێدڤی نە كو ئەم سەرەدانا وان بكەین و پشكنین كەین و د بەرنامێ مەدایە ئەم بەردەوام بین هەیڤێ دوو جاران سەرەدانا وان بكەین و بۆ هەر هاریكاریەكێ ئەم د بەرهەڤین خزمەتا وان بكەین.