كولیژا پەروەردا بنیات
كۆرتیەك دەربارەی كۆلیژا پەروەردا بنیات
كۆلیژا پەروەردا بنیات یا سەر ب زانكۆیا دھۆك ڤە ل سالا خۆاندنێ (2001 – 2002) ب ناڤێ پشكا مامۆستایا ل كولیژا ئادابێ ھاتیە دامەزراندن، ل دویڤدا ل دویڤ بریارا وەزارەتا خواندنا بلند یا ھەرێما كوردستانا عیراقێ رێكەڤتی 7ـی تەباخا 2003 بوویە كۆلیژەكا سەربەخۆ یا زانكۆیا دھۆك ب ناڤێ (كولیژا پەروەردا بنیات) و ل دەستپێكێ ھەردوو پشكێن (زمانێ كوردی و زمانێ ئینگلیزى) ڤەكرینە، ل سالا خواندنێ (2003 – 2004) ھەردوو پشكێن (بیركاری و كۆمەلایەتی) ھاتینە ڤەكرن و كولیژە بەردەوام بوو د زێدەكرنا پشكێن زانستیدا كو ل سالا خواندنێ (2007 – 2008) پشكا باخچێ مندالان ھاتە ڤەكرن و ل دەمێ پەیرەوكرنا سیستەمێ فاكولتیێ ل زانكۆیا بۆ سالا خواندنێ (2010 – 2011) كۆلیژا پەروەردا بنیات وەك سكولا پەروەردەیی ب ناڤێ (سكولا پەروەردا بنیات) ھاتە ھژمارتن كو سەر ب (فاكولتیا زانستێن پەروەردەیی) ڤە بوو، و ژ پێنج پشكێن سەرەكی پێك دھات ئەوژی: (پشكا زمانێ كوردی، پشكا زمانێ ئنگلیزی، پشكا ماتماتیك، پشكا كۆمەلایەتی، پشكا باخچێ مندالان). ل سالا (2015 – 2016) سیستەمێ فاكولتی ل زانكۆیا و كولیژا پەروەردە و دەروونناسی ھاتە پەیرەوكرن كو ئەوژی وەك كولیژەك ژ كولیژێن زانستێن پەروەردەیی ھاتنە ھژمارتن كو ل سالا (2010 – 2011) ب ھەردوو پشكێن خۆ یێن پەروەردەیی و دەروونی و پەروەردا تایبەت ھاتنە سەر ب كولیژا پەروەردا بنیات ڤە، زێدەباری ڤەكرنا سەنتەرێ ڤەكۆلینێن پەروەردەیی، ب ئەڤێ چەندێ حەفت پشكێن سەرەكی و كۆلیژەكا سەربەخۆ ل زانكۆیا دھۆك بخۆڤەگرتن، ژ پشكێن وێ: (پشكا زمانێ كوردی، پشكا زمانێ ئنگلیزی، پشكا ماتماتیك، پشكا كۆمەلایەتی، پشكا باخچێ مندالان، پشكا پەروەردە و دەروونناسی، پشكا پەروەردا تایبەت)، و بۆ پتر چوونا د ناڤ تایبەتیێن فێركرنێدا ل سالا 2017 – 2018 پشكا كۆمەلایەتی دابەشی دوو پشكا بوو (مێژوو و جوگرافی) ، و د ھەمان سالدا پشكا زانست ھاتە ڤەكرن. ل سالا 2018 – 2019 فێركرن ل پشكا باخچێ مندالان ھاتە راوەستاندن و دوو پشكێن دی ھاتنە ڤەكرن ئەوژی: پشكا رابەریا پەروەردەیی و پشكا زمانێ عەرەبی بوون، ل سالا 2023 – 2024 پشكا پەروەردا ئیسلامی ژ(كولیژا زانستێن مرۆڤایەتی) بۆ (كۆلیژا پەروەردا بنیات – دھۆك) ھاتە ڤەگوھاستن، نوكە كۆلیژا پەروەردا بنیات (10) پشكێن زانستی و سەنتەرێ ڤەكۆلینێن پەروەردەیی بخۆڤەدگریت ئەوژی (پشكا ماتماتیك، پشكا مێژوو، پشكا جوگرافی، پشكا زمانێ كوردی، پشكا زمانێ عەرەبی، پشكا زمانێ ئنگلیزی، پشكا پەروەردا تایبەت، پشكا زانست، پشكا رابەریا پەروەردەیی، پشكا پەروەردا ئایینی). زێدەباری ھەبوونا خواندنا ئێڤاران ل كۆلیژێ، ب ئەڤی شێوەی كولیژە بەردەوام بوو د بەرفرەھكرنێ دا د ھەمی لایەناندا كو ل سالا خواندنێ (2016 – 2017) پشتی بەردەستبوونا شیانێن پێدڤی خواندنا بلند (ماستەر و دكتۆرا) ڤەكریە، نوكە كولیژێ 170 قوتابیێن ماستەرێ و دكتۆرایێ و دپلۆما بلند و 3890 قوتابیێن بەكالوریوسێ، و 180 پرۆفسیۆر و پرۆفیسورێ هاریکار و مامۆستا و ماموستایێن ھاریكار و 120 فەرمانبەر ھەنە. كولیژا پەروەردا بنیات ھەر ژ دەستپێكا دامەزراندنا وێ پێنگاڤێن رژد و كارا ب رێكا راگر و ستافێ وانەگوتنێ و فەرمانبەرێن خۆ ھاڤێتیە بۆ سەرئێخستنا ئەڤێ بینایێ زانستی و رەوشەنبیری ئەوژی ب پالپشتیا بەردەوام ژلایێ سەرۆكاتیا زانكۆیا دھۆك ڤە، كو كولیژێ پێنگاڤێن رژد د ھەمی بوارێن زانستی و پەروەردەیی و خزمەتگوزاریدا ئەنجامداینە بۆ دیاركرنا ئەڤێ سازیێ ب سیمایەكێ شارستانی كو پیڤەرێن دلنیا جوری و ئەنجامدانا زانكۆیێ پەیرەودكەت ب رێكا پەیرەوكرنا نێرین و نامە و ئارمانجێن كولیژێ ب شێوەیەكێ دروست و دارێژتنا پلانەكا سەربەخۆ كو ھەر ژ دامەزراندنێ ھەولا وێ ددەت، ھەروەسا ئارمانجا كۆلیژێ ئەوە یا پیشەنگ بیت د پەرەپێدانا وانەگوتنێ و فێركرنێ و پێشئێخستنا زانستێ ل سەر بنەمایێ ڤەكۆلینێ و دەلیڤێن خواندنێ بۆ پێشكێشكرنا باشترین خزمەت، زێدەباری ئەوێ چەندێ كۆلیژە جەختێ ل سەر بەرھەڤكرنا پیشەكارێن بەرھەڤكری دكەت بۆ پێشكێشكرنا خزمەتێن فێركرنێ یێن نموونەیی و خزمەتێن ھەڤشێوە بۆ باشكرنا ژیانا تاكەكەسی بۆ بەرھنگاربوونا ئاستەنگێن ژیانێ و ژ ئارمانجێن سەرەكی یێن كولیژا پەروەردا بنیات بەرھەڤكرنا مامۆستا و ڤەكۆلەر و زانایێن نموونەیە یێن شارەزا د زانینا جۆریێ و گرنگیا ڤەكۆلینێن وان یێن فێركرنێ و پیشەنگیا وان. دشیاندایە ئەڤ چەندە بھێتە بدەستڤەئینان ب رێكا ڤەكۆلینێن د كۆمەكا جیاواز ژ بواراندا ھەروەسا كۆلیژە گەشەپێدانا رەھوانیێن فێرخوازێن ھۆنەرێ وانەگزوتنێ و فێركرنێ و بكارئینانا تەكنولوژیایێ ب رێكەكا كارا ل بەرچاڤ وەردگریت زێدەباری ئەڤێ چەندێ كولیژە كار ل سەر پەرەپێدانا سەنتەریا جۆراوجۆریێ و گیانێ لێبورینێ و بھایێن دیموكراسیێ دناڤبەرا فەرمانبەر و قوتابیاندا دكەت. دەربارەی سیستەمێ كولیژا پەروەردا بنیات پشتبەستنێ ل سەر دكەت ب شێوەیەكێ گشتی سیستەمێ پۆلێن خواندنێ (پۆلۆنی)یە كو سالا خواندنێ بۆ دوو سمستەرێن خواندنێ دھێتە دابەشكرن، د ھەر سمستەرەكیدا تاقیكرنەكا دویماھیێ بۆ بابەتێ خواندنێ دھێتە بەرھەڤكرن كو بابەتێ بریاردای یێ سمستەری ھەمیێ بخۆڤەدگریت و قوتابی د سمستەرێ دووێ دا د سالا خواندنێ یا چوارێدا ب پراكتیكێ رادبیت ل قوتابخانێن سەرەتایی و ناڤنجی بۆ وەرزەكێ خواندنێ یێ تمام ھەتا دویماھیا تاقیكرنان، ھەروەسا پرۆژەیەكێ ڤەكۆلینا دەرچوونێ ل دویماھیا سالا خواندنێ پێشكێشدكەت داكو یێ بەرھەڤ بیت بۆ بازارێ كاری و شیانا بەخشینا زانستی ھەبیت كو شیانێ ب ڤەگوھاستنا زانست و زانینێ پێ بدەت. ھەر ژ دامەزراندنا كۆلیژا پەروەردا بنیات (16) خۆلێن قوتابیا دەرچووینە ل سالێن 2005-2026 تا 2022-2023 دەرچوویێن كۆلیژێ د بوارێن بسپۆریا خۆدا د سازیێن فێركرنێ دا ب رێكا رەھوانیێن بدەستڤەئیناین رۆلێ خۆ د ئاڤاكرنا وەلاتیدا گێرایە.
ماوێ خواندنێ لڤێ کولیژێ (٤) ساڵن,قوتابی دێ باوەرناما بەکالوریوسێ وەرگریت ل دویڤ بسپوریا خو.
نوکە ئاڤاهیێ کولیژێ دکەڤیتە دناڤا کەمپێ زانکویێدا ل ماڵتایێ.
