دەربارەى کولیژێ

پێشەكی: 

كۆلیژا پەرورەردا بنیات ل ئامێدیێ‌ هاتیە ڤەكرن ل سالا 2015 بو سالا خاندنێ‌ (2015-2016) كو كۆلیژە پێك هاتیە ژ دوو بەشان ژ وان ژی: زمانێ‌ ئنگلیزی و كومەلایەتی،

كۆلیژا پەروەردا بنیات ئامێدیێ‌ (13) ماموستایێن خودان شیان بخوڤەدگریت ل هەردو بەشان ب ناسناڤێن زانستی و بروانامێن جوراو جور هەنە.

دیسان، ئێك ماموستا هەلگرێ‌ برواناما دكتورایە (PHD) ب ناسناڤێ‌ زانستی ( پرۆفیسور هاریكار) و دو ماموستایێن دی ژی هەلگرێ‌ برواناما ماستەرێ‌ نە ب زانستی و زانستێن مروڤایەتی و ب ناسناڤێن زانستی ماموستایێن هاریكار، و دگەل (9) ماموستایێن دی كو هەلگرێن بروانامێن ماستەرێ‌ نە ب زانستێن مروڤایەتی و ژ ناسناڤێن زانستی نینن و كاردكەن وەك (تەنسیب) ل كولیژا مە،

كولیژە پێشكێشدكەت پلێن بەكالوریوس ب هەمی بەشان، دیسان كۆلیژا مە قوتابێن قوناغا ئَكێ‌ هەنە كو بو سالا خاندنی (2015-2016) نە.

دیتن:

دیتنا كۆلیژا پەرورەردا بنیات ئامێدیێ‌ ئەوە كو ب  بیتە پیشەیەك بو فێركرن و ڤەكۆلینێن زانستی و بەرهەڤكرنا خزمەتێ‌ بو كومەلگەهێ‌ ب شێوەیەكێ‌ كو بگەهیتە هەمی پارچێن دەڤەرێ‌ و دیسان ژی كولیژە ركابەریێ‌ بكەت دگەل كولیژێن دی یێن دناڤا هەرێمێ‌ و ژدەرڤەی هەرێمێ‌ ژی،

دیسان ژی ئەڤ كولیژە هزرا ئاڤاكرنا جیلەكێ‌ نوی دكەت كو زور گرنگیێ‌ بدەنە زانستی و پەروەردەیێ‌ و زانینێ‌ هەتا  ئاستەكێ‌ كو هاریكاریا وان بكەت بو خزمەتا كومەلگەها وان كو ب بیتە پشتەڤان و خودان شیان بو پرۆسێسەكا فێركرنێ‌ د ئاستەكێ‌ باش دا.

مەبەستا كۆلیژا مە ئەوە بهێزكرنا فێركرن و فێربونێ‌ و پێشئێخستنا زانینێ‌ ئەوا كو دێ‌ ل سەر بناغێ‌ ڤەكولینێ‌ و خاندنا ژدەرڤە بیت بو بەرهەڤكرنا باشترین خزمەت بو دەڤەرێ‌.

ئەرك:

كولیژا پەروەردا بنیات ئامێدیێ‌ كولیژەكا پەروەردەی و زانستی یە وئەركێ‌ وێ‌ بەرهەڤكرنا ماموستایانە ئەوێن كو بهێنە راهێنانكرن لدویڤ ئاستێ‌ جیهانێ‌ و د ئامادەبن بو پرۆسێسا فێركرنێ‌ ل ساڤەخاناو قوتابخانێن پەروەردەی یێن بنەرەت هەتا قوناغا (9) نەهێ‌ و د وان بسپوران دا ئەوێن كو كولیژێ‌ هەی،

ئێك ژ پیشەیێن سەرەكی یێن كولیژا پەروەردا بنیات ئامێدیێ‌ ئەوە بەرهەڤكرنا فێرخواز و ڤەكولینەر و ماموستایێن نمونە ئەوێن كو خودان شیان بن و بشێن جیاوازیێ‌ بكەن ب زانینا جور و گرنگیا ڤەكولینێن وان یێن فێركرنێ‌ و سەركردایەتیێ‌،

و ئەڤە دێ‌ هێتە ئەنجامدان ب ڤەكولینێن جوراو و جور و د هەمی بواران دا، و هەردیسان كولیژا مە گرنگیێ‌ د دەتە پێشكەفتنێن چالاكیێن فێرخوازان د زانینا فێركرنی َ و فێربونێ‌ دا و زانینا بكارئینانا تەكنولوجیایێ‌ ب شێوەیەكێ‌ پێشكەفتی و زێدەباری كو كولیژە پێشكێش دكەت د ئاستەكێ‌ بلند بو پەیداكرنا ئێك هزریێ‌ و بیرو بوچونێن دیموكراسی و ئازادی  د ناڤبەرا ماموستایان دا و دناڤبەرا قوتابیان دا.

ئارمانج: كولیژا مە چەندین ئارمانجان بخوڤە دگریت و ژ وان ژی

- كولیژا پەروەردا بنیات ئامێدیێ‌ كاردكەت هندەك ڤالاهیان و ژ وان ژی:

  1. زێدەكرنا كاركرنێ‌ و زانینا پەروەردەی ژلایێ‌ ماموستا و قوتابیان ڤە.
  2. بەشداربون د پێشكەفتنا گشگیر دا یا كومەلگەها  كوردستانێ‌.
  3. تژیكرنا ڤالاهیا ئەوێن گرێدای ب كومەلگەهێن پێشكەفتی ڤە د بوارێ‌ فێركرنێ‌ دا ل قوتابخانێن پەروەردە یێن بنەرەت و ئەڤە دهێتە ئەنجامدان ب بەرهەڤكرنا ماموستایێن هاتیە  راهێنان كرن و بهێنە نیاسین كو ماموستا د سەركەفتی نە.