كولیژا كارگێری وئابوری

گەشت وگوزار ورێڤەبرنا ئوتێلا

 

 

پەياما بەشی

پەياما بەشی پێچيبوون وهێزا خو ڤەدگريت ب مەرەما دروست کرنا کادرەکێ خودان شيان و راهێنەر ب ئاستەکێ بلند بخوڤە دگريت ژ بو خزمەتکرنا کەرتێ گەشت وگوزاری برێکا خواندنا ڤی بابەتی و رێبەری گوزاری و کارگێريا ئوتێلان ،  ب هەلگرتنا پێزانينێن ئەکاديمی وشينانێن خزمەتا بازارێ کاری دکەن و هاوشانا پێشکەفتنی د پيشەسازی ودروست کرنا گەشت وگوزاريا ناڤخويی دا. هەرديسان کار دکەت دخزمەتێن جڤاکی دا ب ڕيا گرێدانا کونگرێن زانستی يێن پشکداريی دکەن د گرێدانا ڤەکولين و خواندنا ب هەڵکەوتا زانستيڤە ژ بو خزمەتا هەريمێ و پشکداريکرنێ د دەستکەفتێن گەشەپێدانا ئابوری وجڤاکی دا ، دگەل پەروشی دبلند کرنا ئاست و شيانێن ئەندام وکادرێن دەستەيا وانە گوتنی دا ودەستەيا هاريکار ب ڕيا راهێنانێن بەردەوام .

 

 

بوچوونا بەشی

بەشێ گەشت و گوزاری وکارگێريا ئوتێلان کاردکەت ژ بو دروستکرنا سيستەمەکێ زانستی وپراتيکی و بلندکرنا تێگەهشتن وشيانێن دەرچوويێن کوليژێ ژ بو پالپشتيا قوتابيان ئەکاديمی و رێبەری ب مەرەما دڵنيا جوری يا دەرفەتێن فيربوونێ. ئەڤ چەندە دێ هێتە بدەستڤەئينان ب ڕيا دروستکرنا پروگرامێن زانستی ژ بو بچەک کرنا قوتابی ب بسپووريا تيوری وپراتيکی يا گونجای دگەل پازاری کاری د بوارێن گوشت وگوزاری وکارگێريا ئوتێلان دا ب ئارمانجا گەشکرنا کەرتێ گەشت وگوزاری ل هەرێما کوردستانی، و پالپشتيا کادران يێن کو هێزا رکابەريێ زيدە دکەن ، و کارکرن لسەر رژديا دەستەيا وانە گوتنی ب گرنگی پێدانا زانستی وفيرکرنا ڤی بواری ، و دوپاتی ورژدی لسەر پێشڤەبرنا کورسێن خواندنێ ب نويترين پێزانينێن دڤێ بواری دا و فيربوونا گەشت وگوزاری ، زێدەباری  وەرگرتنا پێشنيار وراوێژکاريێن گوزاری يێن تايبەتمەند و گرنگی پێدان ب پشکداريا جڤاکی و هەڤکاريا کوليژێ د چارەکرنا ئاريشێن  جڤاکی و ژينگەهێ دا.

 

ئارمانجێن بەشی :- 

  بەشێ گەشت وگوزاری وئوتێلان پشکداريێ دکەت د پێشکێشکرنا خزمەتەکا زانستی يا نموونە بو قوناغا بەکالوريوس وخواندنا بلند د بوارێن خواندنا گەشت وگوزاری و رێبەريا ئوتێلان دا ، ئارمانجا وێ يا سەرەکی ئەوە : -

 1-      بەرهەڤکرنا کادران ب ڕيا هەلگرتنا باوەرناما بکالوريوسێ دبوارێ گەشت وگوزاری دا و خواندنا ئوتێلان بمەرەما پشکداری کرنێ دئارمانجێن گەشەپێدانا ئابوری و جڤاکی دا .

2-      دەرچوونا کادرێن هەلگرێن ماستەرێ و دبلومێ د پاشەروژێ دا (خواندنا بلند ) ، کو شيانێن پوزەتيف هەبن د جولاندنا گەشەپێدانا ئابوری وجڤاکی يا هەرێمی دا .

3-      راکێشانا ژێهاتيێن زانستی و پراتيکی يێن نموونە د بوارێ خواندنا گەشت وگوزاری و خواندنا رێڤەبرنا ئوتێلان و رێبەرێن گەشت وگوزاری دا .

4-       بەرهەڤکرن و بجهئينانا ڤەکولينا ، وگريبەستنا کونگرێن زانستی و کونفرانسان يێن فرەپشکيێ دکەن دئەنجامدانا گەشەپێدانا گەشت وگوزاری وئوتێلان دا.

 5 - مەشق وفێرکرنا بەردەوام بمەرەما بلند کرنا ژێهاتيێن خزمەتکارێن د کەرتێ گوزاری وئوتێلان دا کاردکەن.

 

 

وەصفکرنا کارێ قوتابيێ دەرچوويی : 

1-      پێرابوون و سەرکردايەتی ورێڤەبەری د بەريوەبەرايەتيێن دەسپێکی دا ل ئوتێلان و دەزگەهێن گەشت وگوزاری ل شوێنگەهێن گوزاری وئوتێلان ل هەرێما کوردستانا عراقێ.

2-      کارگێريا کاری د بەشێن خوارنێ وڤەخوارنێ دا و رێکخستنا کرينی و ژمرياريێ ورێڤەچوونا کاری .

3-      ئاگەداری کرن لسەر ئەرکێن کارگێری وخزمەتا ژوران ل ئوتێلان و کەرتێن گەشت وگوزاری يێن کو خزمەتان پێشکێش دکەت .

4-      پێرابوون ب کارێن نڤێسينگەهان و بکارئينانا تەکنەلوجيا سەردەم وەک ئاميرێ فاکس ،تلکس، لاپتوپ، وئاميرێ کوپی کرنێ وپەيوەنديان.

 

 

بسپوريێن هاتينە پێشنيارکرن ل ڤی بەشی

1-    پروگرامێ بەکالوريوسێ

پروگرامێ بکالوريوسێ ل ڤی بەشی دێ ل دەست پێکا سالا خواندنێ 2014-2015 هێتە ڤەکرن وەک هەڤپشکيەک ژ زانکو وکوليژێ د دروست کرنا کادرەکێ خودان شيان د بوارێ گەشت وگوزاری دا د پێشکێشکرنا هەرێما کوردستانێ ب جوانترين شێوە وەک جهەکێ گوزاری يێ سەرەنج راکێش زێدەباری لايەنێن ئابوری وجڤاکی و رەوشەنبيری و سياسی و ژينگەهێ.

پلانا ڤی پروگرامی يا هاتی دا کو هەستێ خو دياربکەت ب ڕيا ئارمانجێن خو ژ لايێ هژمارا چالێن زانستی وهەمەجوری وخرڤەکرنا شيانان ، قوتابی مفای ژێ وەردگريت د زوربەيا بسپوريێن گرێدای ڤی بەشێ مينا جوگرافی ومێژو وجيولوجی وانثروپولوجی و شوێنەوار و نەخش وکەلتورێ پێشکەفتی دا و زمان وکومپيوتەر ،زێدەباری فێربوونا زانست وشيانێن تايبەت ب گەشت وگوزارێ ڤە.

أ‌-        ئارمانجێن پروگرامی

پروگرامی ڤان ئارمانجان بخوڤە دگريت :-

·         پەيداکرنا تێگەهشتنا تيوری يا تەمام ژ پێزانينێن گشتی وتايبەت ب کاری د بوارێ رێناسێ گوزاريڤە.

·         گەشەپێدانا کەسايەتيا قوتابی و بەرهەڤکرنا وی دا کو بگونجيت دگەل کلتورێن جياواز وپێشکێشکرنا هەرێما کوردستانێ ب جوانترين شێوە.

·         گەشەپێدانا شيانێن زمانی ل دەف قوتابی ، وفيرکرنا وی دوو زمانێن بيانی بکێماسيڤە ب مەرەما ئاسانکرنا گەهاندنا پێزانين گوزاری بو وان کەسێن سەرەدانا هەرێمێ دکەن بشێوەکی ئەکتيڤ .

·         خورتکرنا شيانێن تەکنيکی يێن تايبەت ،وەک شيانێن پەيوەنديان و هونەرێ مامەڵەت کرنێ لدەف قوتابی.

ب‌-    دەرفەتێن کاری بو دەرچووێ ڤی بەشی د پاشەروژێ دا

هەلگرێ باوەرناما بکالوريوسێ ل ڤی بەشی دشێت کاربکەت وەک رێناسی جوگرافی يان وەک رێناسەکێ گشتی ، زێدەباری کارکرنێ دڤان بواران دا :-

1-      کومپانيێن گەشت وگوزاری و بريکارێن گەشتێن گوزاری.

2-      کومپانيێن فرين وڤەگوهاستنا گەشت وگوزاری.

3-      رێڤەبرن وکارگێريا جهێن گوزاری.

4-      رێکخراو ودەستەيێن گوزاری .

5-      دەزگەهێن پەيوەنديێن گشتی.

6-      سەنتەرێن کونگران .

7-      رێڤەبرنا جهان ، پروژێن گەشت وگوزاری.

8-      کارگێريا کرين وفروتنا گوزاری .

9-      فێربوونا گەشت و گوزاری وئوتێلان .

 

2-     پروگرامێ ماستەرێ د پاشەروژێ دا ب مەرەما :-

·         بهێزکرن و گەشەپێدانا شيانێن کارگێری يێن تايبەت بو قوتابيێن پشکدار.

·         بەرهەڤکرنا سەرکردێن پێدڤی بو دەزگەهو چالاکيێن گەشت وگوزاری دناڤ ودەرڤەی هەرێمی.

·         بهێزکرنا گرنگيا کارگێريا ناڤخوی ونشتمانی و کێمکرنا پيشتەڤانيا سەرکردايەتيا بيانی د کەرتێ گەشت وگوزاری دا .