سه‌نته‌رێ ڤه‌كولینێن زانستی
Aug. 24, 2016, 2:57 p.m.

سەنتەری ڤەکولينێن زانستی / کولیژاکارگێری وئابوری
ئێکە ژ سەنتەرێن زانکويا دهوک ،تايبەتە ب ڤەکولينێن زانستی ڤە د خواندنێن ياسای و دارايی و ئابوری و کارگێری وژمێرياری وئامار ويێ گرێدايە ب کولیژا کارگێری وئابوری ڤە ژ لايی کارگیری ودارايی ڤە.
 
ئارمانجێن سەنتەری :
1-      دانانا استراتيجيەتا ڤەکولينێ يا گونجای بو کولیژا کارگێری وئابوری دا کو بهێتە شاندن دناڤ کەما رکابەريا يا ناڤخويی وهەريمێ.
2-      دانا بەراهيی بو ڤەکولينێن ئەکاديمی د بوارێن کارگێری وئابوری  وئابوری ودارايێ وژمێرياری وئامار و پالپشتيەکا لوجستی ودارايی.
3-      پێشکێشکرنا راوێژکاريا زانستی بو سەرکردێن کارگێری و چێکەرێن بريارێ ل هەرێما کوردستانێ د بوارێن ديارکری دا.
4-      دويڤچوونا پێشکەفتنێن کارگێری وئابوری وياسايی و هەڵسەنگاندن وپێشڤەچوونا وان وبەلاڤکرنا وان لسەر ڤەکولەرا.
5-      پالپشتيا بەلاڤکرنا ڤەکولينێن زانستی و ئامادەکرنێ ودوبلاژکرنێ وکومکرنا ژێدەرێن زانستی.
6-      پێشکێشکرنا کونگران و وورک شوپان وزنجيرێن خواندنی لسەر ئاستەکێ ناڤخويی ودەولی د بوارێن لدەست پێکێ ديارکری.
7-      پێشنيارکرن وجێبەجێکرنا خولێن راهێنانێ بو خزمەتکارێن کەرتێ حکومی وتايبەت و رێکخراوێن جڤاتا مەدەنی ب مەرەما پەرەپێدانا هێز و شيانێن وان.
8-      ئاڤاکرنا پەيوەنديێن زانستی ورەوشەنبيری دگەل سەنتەرێن وەک هەڤ ل دەرڤەی هەرێمی ب ڕيا نامەگوريی وسەرەدانێن بەرامبەريەکی وراکێشانا کادرێن زانستی يێن بسپور .
9-      پێشنيارکرنا کومەکا ناڤونيشانێن ڤەکولينا يێن کو ب مفابن ببنە ڤەکولين و پروژە بو نامێن ماستەرێ وخواندنا بلند.
10-   پەيوەنديێن ئيکسەر دگەل دەزگەهێن ميری ورێکخراوێن جڤاکێ مەدەنی و نياسينا ئاريشێن وان يێن کو پێدڤی ب چارەسەريەکا زانستی نە زێدەباری پێشکەتنا چالاکيێن وان .
11-  دەست نيشانکرنا تيمێن کاری ژ بو خواندنا دياردەکێ د بوارێن ديارکری دا ل باژێر وگوندێن هەريمێ ودەستنيشان کرنا ماموستايان بو ڤی ڤەکولينێ.
12-   هەڤکاری دگەل کوليژان وبەشێن پەيوەندی هەی و بشێوەکێ تايبەت د بوارێن ڤەکولينان دا .
13-  دروستکرانا نڤێسينگەهەکا ڤەکولينا يا تايبەت .
14-  پەيداکرنا پێزانين وژێدەران يێن کو ڤەکولەر پێدڤی دبن دکارێ خودا .
 
 
پەيکەرێ کارگێری :
1-      رێڤەبەرێ سەنتەری : رێڤەبەر مەرجە هەلگرێ باوەرنانا دکتورايێ وماموستا بيت ودهێتە دەست نيشانکرن ژ لايێ سەروکێ زانکويێ ڤە.
2-      برياردەرێ سەنتەری : هەلگرێ ناما ماستەرێ بيت و دهێتە دەست نيشانکرن ژ لايێ راگرێ کولیژ ڤە.
3-      سکرتێر : فەرمانبەر ل دويڤ پێدڤيبوونێ.
 
 
مافێن خزمەتکارێن کار دکەن ل سەنتەری : 
1-      رێڤەبەرێ سەنتەری وبرياردەر وەک هەڤی دگەل سەروکێن بەشان وبرياردەرێن وان ل کولیژ دەربارەی مافێن وان (مافێ وانە گوتنی ، دەستنيشانکرنا هژمارا وانێن دەرەکی ، دەرمالان ، مووچە).
2-      فەرمانبەرێن سەنتەری ياسا خزمەتا زانکويی يا کارپێکری لسەر دهێتە ئەنجام دان.
3-       لسەر ماموستايێن سەنتەری پێدڤيە بکارێ وانە گوتنی رابن وەک مەرجەک بو پلە بەرزيی دا کو وەک هەڤ بن دگەل سەنتەرێن دی يێن زانکويێ .
4-      هژمارتنا دەمژمێرێن ڤەکولينا و وانە گوتنێ بو ماموستايێن سەنتەری وەک وانێن زێدە هەر ئێک ل دويڤ پلا خزمەتێ ورێزبەندا وی يا زانستی و ل دويڤ رێنمايێن کارپێکری.
5-      خزمەتکارێن سەنتەری مافێ شاندنێ يێ هەی بو خواندنا بلند و خولێن راهێنانی دناڤ ودەرڤەی هەرێمێ وعراقێ دا.
6-      فەرمانبەرێن سەنتەری مافێ دەرمالێن مەترسيێ يێ هەی ل دويڤ رێنمايان .
 
ئەرک :
1-    رێڤەبەرێ سەنتەری :
·پێرابوونا زوربەيا کارێن کارگێری وزانستی يێن سەنتەری وديڤچوونا گشت چالاکيێن زانستی ل دويڤ وان دەسهەڵاتێن راگری کولیژ ددەتێ.
·پشکداريکرن د دانانا پلانا ڤەکولينان دا بو سەنتەرێن زانستی ودروستکرنا پلانا کولیژ يا ڤەکولينان.
·هەماهەنگی دگەل فاکولتيان وبەشین زانکويی بمەرەما بدەستڤەئينانا ئارمانجێن سەنتەری.
·سەرپەرشتيا خولێن راهێنانی يێن سەنتەر پێ رادبيت وپێشنيارکرنا لژنێن خو بەرهەڤيێ بو وورک شووپان وجڤينان.
·بەرهەڤکرنا راپورتا سالانە يا سەنتەری.
·پێشنيارکرنا ڤەکولەر وتەکنيکيا وەک خزمەتکار ل سەنتەری.
 
2-    برياردەر :
·هەماهەنگی دناڤبەرا پروگرامێن زانستی يێن جودا د سەنتەری دا و دويڤچوونا جێبەجێکرنا پلانا زانستی يا سەنتەری وبەشێن زانستی وپروژێن ڤەکولينێ ودابينکرنا پێدڤيێن سەنتەری.
·رێکخستن وهيربينيا ڤەکولينێن پێشنيارکری وبلند کرنا وان بو لژنا زانستی لسەنتەری ژ بو دوپاتکرنا وان .
·بەرهەڤکرن ورێکخستنا روينشتن وجڤينێن وەرزی لسەر ئاستێ کولیژ ژ بو دويڤچوونا چاوانيا پێشکێشکرنا ڤەکولينێ ل دويڤ پلانا زانستی.
 
3-    جڤاتا سەنتەرێ ڤەکولينی :
·جڤاتا سەنتەری پێکهاتيە ژ ئەندامێن لژنا زانتی ل سەنتەری زێدەباری نينەری بەشێن زانستی ل کولیژ و رادبيت ب ئەرکێ دروستکرن وگەنگەشەکرنا پلانا سالانە يا ڤەکولينێن پێشکێشکری و دانان خالێن جێبەجێکرنێ ل دويڤ گرنگيا زانستی ودەستنيشانکرنا بودجا هەر ڤەکولينەکێ ب شێوەکێ نزيکی و بلندکرنا راسپاردان بو جڤاتا کولیژ .
بودجا سەنتەری : سەنتەری بودجەکا بەرچاڤ يا هەی دناڤ بودجا کولیژ دا لەوما دشێت بژينێ ژ :-
1-      بەخشين و بەخت کرن.
2-      پروگرامێن جيهانی و ميری و نە يێ ميری.
3-      دەرمالێن خولێن بهێزکرنێ و خزمەتێن راوێژکاری يێن کو سەنتەر پێشکێش دکەت ئەڤ چەندە ژ خزمەتکارێن زانکويا دهوک نا بريت .
4-      جڤاتا کولیژ مافێ پێداچوونا ڤی سيستەمی يا هەی پشتی سالەکی وزێدەتر و پێوانا گوهرينێن پێدڤی ب مەرجەکی دورپێچيا ياسايێن خواندنا بلند نەبيت.