ل رۆژا 7/1/2020 ل سەنتەرێ رەوشەنبیری وجڤاكی یێ زانكۆیا دهۆك ووركشۆپەك ل دۆر چاوانیا دروستكرن و نویكرنا پرۆفایلێن مامۆستایێن زانكۆیێ یێن ئەكادیمی ژ لایێ رێڤەبەرێ خزمەتێن پێزانین ئازاد عادل ڤە هاتە گۆتن ب ئامادەبوونا نوینەرێن وێبسایتێن كۆلیژان.
رێڤەبەرێ خزمەتێن پێزانینا ل زانكۆیا دهۆك ئازاد عادل شەریف دیاركر كو د ڤی ووركشۆپێ دا دوپاتی ل نویكرنا پروفایلێن مامۆستایان هاتە كرن كو ب گرنگی ل سەر كار بكەن.
گۆت ژی ئەڤ ووركشۆپە ب ئامادەبوونا نوینەرێن وێبسایتێن هەمی كۆلیژێن زانكۆیا دهۆك بوو، كو ئەو بەرپرسن ژ داگرتنا فولدەر و پێزانینان یێن گرێدایی مامۆستایان، دیسا دیاركر كو وان د ڤێ چەندێ دا هەماهەنگی یا هەی دگەل رێڤەبەریا دلنیایی جۆری و وان داخاز ژێ كریە هندەك پرۆفایلێن مامۆستایان شاشی تێدا هەبوون، لەوما ئامارەك هاتە كرن ل هەر كۆلیژەكێ فولدەرەك بۆ هاتە چێكرن و شاشیا برۆفایلێ ڤی مامۆستای تێدا هاتیە دیاركرن بو راستڤەكرنێ.
ئازاد عادل ئەو چەند ژی بەحس كر كو دروستكرنا پرۆفایلێن مامۆستایان یا گرنگە ئەگەر سیستەمێ رێزبەندیا نیشتمانی و (گوگل سكولەر) بۆ مە ب خال ناهێنە هژمارتن ژبەر كو هەمی پێزانینێن مامۆستایان تێدا هەنە.