سێ مامۆستایێن زانكۆیا دهۆك ل وەلاتێ ئەلمانیا پشكداری د وورك شۆپەكی دا كر
مامۆستا هاریكار فیصل رێڤەبەرێ رێڤەبەریا IT ل زانكۆیا دهۆك و د. یمان سامی و د. مزگین سیسن ژ كۆلیژا ئەندازیاری یا زانكۆیا دهۆك پشكداری د وورك شۆپەكی دا كرن ل باژێرێ لابزیك ل وەلاتێ ئەلمانیا.
رێڤەبەرێ ریڤەبەریا IT گۆت" مە ژ 1/7 هەتا 5/7 پشكداری د وورك شۆپەكی دا كر ل زانكۆیا Leipzig university of applied sciences)) ل باژێرێ لابزیك ل دۆر (E-learning)
هاریكار فیصل ئەو ژی گۆت" دڤێ وورك شۆپی دا چەند وانە هاتنە پێشكێش كرن دیسا پرێزنتیشنەك ژلایێ د.یمان سامی ل دور سیستەمێ Moodle یێ زانكۆیا دهۆك و چاوانیا رێڤەبرنا سیستەمی ل كۆلیژێن سەر ب زانكۆیێ ڤە و چەند مامۆستا و قوتایی پشكدار بون و دیاركرنا چالاكیێن دهێنە ئەنجام دان ل سەر ڤی سیستەمی.
پشكدارێن ڤێ وورك شۆپێ ژ زانكۆیا دهۆك و پۆلیتەكنیكا دهۆك و صلاح الدین و زانكۆیا بەغدا و بەصرا بوون پشتەڤانیا ڤێ چالاكیێ ژلایێ بەرنامێ ئیراسموس پلاس بوو ئەو بەرنامێ زانكۆیا دهۆك تێدا پشكدار هەر ژ سالا 2016 یێ بەردەوام.