ل دیف بڕیارا حكومەتا هەرێما كوردستانێ ئەڤرۆ 11/5/2020 دەواما فەرمی یا ماموستا وفەرمانبەرێن زانكۆیا دهۆك دەستپێكر ب جه ئینانا رێنمایێن وەزارەتا ساخلەمیێ.
پشتی بو ماوێ دوو مەهان دەوام ل زانكۆیا دهۆك هاتیە راوەستان ب ئەگەرێ مەترسیا ڤایروسێ كرونایێ، ل رۆژا دوو شەمبی دوبارە دەواما سەرۆكێ زانكۆیێ وهاریكارێن سەروكێ زانكۆیێ وراگر وسەرۆك پشكێن زانستێ یێن زانكۆیا دهۆك ئاسایی بوو، هەروەسا فەرمانبەرێن زانكۆیێ ب شێوێ نورە (تناوب) ل دیف پێتڤیێن كاری دوام دێ یا بەردەوام بیت.
جهێ ئاماژێ یە كو ماموستایێن زانكۆیێ دبەردەوامن ل سەر سیستەمێ خاندنا ئەلیكترونی هەتا 1 مەها 6 كو دێ دەواما ئاسایێ یا قوتابیان دەسپێكەت.