میكانیزما بجهئینانا رێنمایێن هەلسەنگاندنا دووماهیا سالا خواندنێ 2019-2020
June 14, 2020, 12:11 p.m.

ل رۆژا چارشەمبی رێكەفتی 10/6/2020 هاریكارێ‌ سەرۆكێ‌ زانكۆیا دهۆك بۆ كاروبارێن زانستی و خاندنا بلند د. لقمان هادی حسن كۆمبوونەكا بەرفرەه ب شێوێ‌ ئونلاین دگەل سەرۆكێن پشكێن زانستی یێن زانكۆیا دهۆك ئەنجام دا ل دۆر میكانیزما بجهئینانا رێنمایێن هەلسەنگاندنا دووماهیا سالا خواندنێ 2019-2020 و ئەڤ خالێن خارێ‌ یێن بریار ل سەر هاتینە دان گەنگەشە ل سەر هاتە كرن و دێ‌ ل زانكۆیا دهۆك هێنە پەیرەو كرن.

سیستەمێ خواندنا سالانە
1. نمرا كۆششێ سالێ 50 % بیت كو هەمی چالاكیێن ناڤ كەمپس و خاندنا ئەلكترونی ب خۆڤە دگریت.
2. كۆششێ سالانە ئەنجامێن قوتابی دیاردكەت (دەرچوو یان دەرنەچوو).
3. ئەو قوتابیێن دەرنەچووین بهێنە ئاگەهداركرن ژ بۆ هەلسەنگاندنا دووماهیێ.
4. ماوێ‌ 48 دەمژمێران بەردەستە بۆ قوتابی بۆ پێشكێش كرنا داخازا نەرازیبوونێ ل سەر ئەنجامێن خۆ ب شێوێ ئەلكترۆنی برێكا ئیمێلەكا دەستنیشان كری ژ لایێ لژنا ئەزموونان.
5. جۆرێن هەلسەنگاندنا دووماهیێ دێ ب شێوازێ (راپورت یان ئەسایمنت) بیتن، و ل دویف بسپوریا وانا خواندنێ كۆ مامۆستایێ وانێ دیاركەت ب ئاگەهداریا پشكا زانستی.
6. 50% نمرە ل سەر راپورتێ یان ئەسایمنتا هەلسەنگاندنا دووماهیێ نە بۆ قوتابیێن دەرنەچووی یان قوتابیێن دەرچووی یێن داخوازا باشكرنا تێكرایێ نمرێن خۆ دكەن.
7. كوششێ قوتابیێ دەرچووی یێ داخوازا باشكرنا تێكرایێ نمرێن خۆ دكەت دێ ژ 50% بیت و هەلسەنگاندنا دووماهیێ ب رێكا راپورت یان ئەسایمنتان ژی ژ 50 % بیت، هەر ئەنجامەكێ ب دەستخۆڤە بینیت (چ دەرچوو یان دەرنەچوو) دێ بۆ هێتە هەژمارتن ئەنجامێ كۆتایی.
8. هەمی راپورت یان ئەسایمنتێن هەلسەنگاندنا دووماهیێ بهێنە ناردن برێكا موودلی.
9. (5) نمرە ژ كۆششی دێ ل سەر بكارئینانا سیستەمێ ئەلیكترۆنی (مودل) بیت.
10. بۆ مادێن پەرینەوە و باركری (مواد العبور و المحملە) هەلسەنگاندن دێ هێتە ئەنجامدان ب رێكا راپوورتا یان ئەسایمنتان ژ (100)ێ‌.
11. رۆژا شەمبی رێكەفتی 27/6/2020 دووماهی ژڤانە بۆ وەرگرتنا راپورت و ئەسایمنتان.

سیستەمێ خواندنا (وەرزی و بولونیا)
1. درێژەپێدانا خاندنا ئەلكترونی بو ماوێ دوو حەفتیا ژ 7/6/2020 ژبو تەمامكرنا خاندنێ و چالاكیێن وان ودەستڤە ئینانا نمرێن كوششی بۆ وان بابەتێن پێدڤی.
2. نمرا كۆششی یا وەرزی 50 % بیت كۆ هەمی چالاكیێن ناڤ كەمپس و خاندنا ئەلكترونی ب خۆڤە دگریت، 50 % ژ نمران دێ ل سەر هەلسەنگاندنا دووماهیێ بیت ب شێوازێ راپورت یان ئەسایمنت.
3. مەرجە هەمی قوتابی هەلسەنگاندنا دووماهیێ ئەنجامدەن ب رێكا راپورتا یان ئەسایمنتا.
4. جورێن هەلسەنگاندنا دووماهیێ دێ ب شێوازێ (راپورت یان ئەسایمنت)( بیتن، و ل دویف بسپوریا وانا خواندنێ كو مامۆستایێ وانێ دیاركەت ب ئاگەهداریا پشكا زانستی.
5. هەمی راپورت یان ئەسایمنتێن هەلسەنگاندنا دووماهیێ بهێنە ناردن برێكا موودلی.
6. (5) نمرە ژ كۆششی دێ ل سەر بكارئینانا سیستەمێ ئەلیكترۆنی (مودلی) بیت.
7. بۆ مادێن پەرینەوە و باركری (مواد العبور و المحملە) هەلسەنگاندن دێ هێتە ئەنجامدان ب رێكا راپوورتا یان ئەسایمنتان ژ (100) ێ‌.
8. دووماهی ژڤان بۆ وەرگرتنا راپورت و ئەسایمنتان دێ ل رۆژا 2/7/2020 بیت.

راپۆرت یان ئەسایمنت
1. راپورت یان ئەسایمنت یا هەلسەنگاندنێ دێ دەربارەی توپیكێن بابەتی یان چەند توپیكێن بابەتی بیت ئەوێن هاتینە دان ل ناڤ كەمپس و بشێوازێ ئەلكترونی، و ب بەرچاڤ وەرگرتنا چەند پێدڤیێن دی یێن گرێدایی ب بابەتی ڤە.
2. شێواز و بنەمایێن ئامادەكرن و نڤیسینا راپورتێ دێ ژ لای پشكا زانستی ڤە هێنەدەستنیشان كرن، ب مەرجەكی راپورت یان ئەسایمنتا هەلسەنگاندنا دوماهیێ ژ (3000) پەیڤا (ووشا) كێمتر نەبیتن.
3. ژێدەرێن جودا جودا بهێنە ب كارئینان د نڤیسینا راپۆرتێ یان ئەسایمینتێ دا وەك پەرتۆك و بەلاڤۆك و ئەنتەرنێت و ... هتد.
4. ووردەكاریێن بابەتێ راپورتێ دێ ژ لایێ‌ مامۆستایێ‌ وانێ ڤە هێتە دەستنیشان كرن.
5. پێدڤیە مامۆستا دلنیا بیتن كۆ گزی و كۆپی پێست نەهاتبیتە كرن ژلایێ قوتابی ڤە د ناڤ راپورت و ئەسایمنتێن داخازكری ل هەلسەنگاندنا دووماهیێ، ئەو ژی ب رێكا پەیوەندیێ دگەل قوتابی و ب ئاگەهداریا پشكا زانستی.
6. ژ ئێك وەرگرتن (كۆپی پێست) وەك گزی (غش) دێ سەرەدەری هێتە كرن.
7. هەر قوتابیەكێ ئەكاونتێ موودلی نەبیتن، ئەو قوتابی بەرپرسیارە ل سەر رەوانە نەكرنا راپۆرت یان ئەسایمینتا خۆ بۆ هەلسەنگاندنێ دووماهیێ.