كۆنفرانسێ نێڤده‌وله‌تی یێ كۆلیژا په‌روه‌ردا جه‌سته‌یی و زانستێن وه‌رزشی ل زانكۆیا دهۆك ئونلاین هاتە گێران
April 22, 2020, 7:56 p.m.

وەکو پابه‌ند بوون ب رێنمایێن حكومه‌تا هه‌رێما كوردستانێ یێن به‌رهنگاربوونا ڤایرۆسێ كورونایێ كۆنفرانسێ نێڤده‌وله‌تی یێ دووێ یێ كۆلیژا په‌روه‌ردا جه‌سته‌ی و زانستێن وه‌رزشی ل زانكۆیا دهۆك ب هه‌ڤكاری دگه‌ل سه‌نته‌رێ نون یێ ڤه‌كۆلینێن زانستی ل ژێر ناڤێ رۆلێ ڤه‌كۆلینا زانستی دبیاڤێ وه‌رزشی دا و ركابه‌ریێن چه‌رخی د دیدێن ئه‌كادمی دا ل رۆژا 21/4/2020 ئونلاین هاتە گێران.

ئەڤ کۆنفرانسە کو ل ژێر چاڤدێریا سه‌رۆكێ زانكۆیا دهۆك پ. د. مصلح دهۆکی بوو 130 ڤه‌كۆلینێن زانستی تێدا هاتنە گه‌نگه‌شه‌كرن کو ل سه‌ر چار ته‌وه‌ران هاتینه‌ دابه‌ش كرن بۆ ماوێ دوو روژان یێ به‌رده‌وام بوو.

ته‌ وه‌رێ فسیلوژی و راهێنانێن وه‌رزشی، ته‌وه‌رێ رێكێن وانه‌ گۆتنێ و فیربونا لڤینێ، ته‌وه‌رێ بایومیكانیك فیزیكا زیندی و پیڤان و هه‌لسه‌نگاندنێ، ته‌وه‌رێ زانستێ ده‌ روونی یێ وه‌رزشی و كارگێری و رێكخستنا وه‌رزشی.