سەرۆكێ زانكۆیا دهۆك هەروەسا سەرەدانا زانكۆیا كارلتون كر و رێككەفتنەك ل گەل وێ زانكۆیێ ئیمزاكر بۆ پتر خورتكرنا پەیوەندیێن زانستی، هەروەسا دانوستاندن ل سەر چاوانیا بلندكرنا شارەزایی و شیانێن مامۆستایان ب تایبەت یێن زمانێ ئنگلیزی هاتنە كرن و گەهشتنە وێ رێككەفتنێ كو مامۆستا ژ زانكۆیا كارلتون سەرەدانا هەرێما كوردستانێ بكەن و خولێن زمانی ڤەكەن داكو پتر مامۆستا مفایی ژێ وەربگرن.
سەرۆكێ زانكۆیا دهۆك ئەو چەند دیاركر كو ئەڤە بۆ جارا ئێكێ یە ب ڤی رەنگی پەیوەندی دناڤبەرا زانكۆیا دهۆك و زانكۆیێن وەلاتێ كەنەدا دا دهێنە چێكرن و ئەو پرۆژێ هەشت سالی یێ هاتیە ئیمزاكرن حوكمەتا كەنەدی دێ پشتەڤانیێ لێ كەت و ئەو پرۆژە دێ بیتە راپۆرت و دێ بۆ حوكمەتا هەرێما كوردستانێ هێنە بلندكرن بۆ دویڤچوونا ل سەر ئاوارە و پەنابەران.
پەیوەندیێن زانكۆیا دهۆك د گەل زانكۆیا یورك پتر گەشەكرن بخۆڤە دیت پشتی ئیمزا كرنا یاداشتەكا لێك تێگەهشتنێ د ناڤبەرا هەردوو لایان دا، دەمێ دوو مامۆستایێن زانكۆیا یورك پشكداری ل كۆنفرانسێ پەیمانگەها چارەسەریا دەروونی كری ل خزیرانا بوری