ل رۆژا 25/6/2019 ل باژێرێ ڤییەنا ل وەلاتێ نەمسا د. شەونم ئەحمەد وەیس مامۆستایا كۆلیژا پزیشكی و تایبەتمەندا نەخۆشیێن ژنان و زاروكبوونێ وەغەر كر.
د. شەونم ئەحمەد وەیس ل سالا 1965 ێ ل باژێرێ بەغدا ژدایك بوویە و ل سالا 1988 باوەرناما بەكالوریۆسێ ب نوژداریا گشتی ل زانكۆیا مویسل وەرگرت بوو.
ل سالا 1997 هاتیە پارێزگەها دهۆكێ وەكو مامۆستا ل كۆلیژا پزیشكی یا زانكۆیا دهۆك و نوژدارا تایبەتمەند یا نەخۆشیێن ژنان و زاروكبوونێ ل نەخۆشخانا ئازادی یا گشتی یا فێركرنێ و پشكێن نەخۆشیێن ژنان و زاروكبوونێ درێژی ب خزمەتا خۆ دایە.
پشتی ژلایێ كۆمەلا جیهانی یا نەخۆشیێن ژنان و زاروكبوونێ هاتیە داخازكرن بۆ پشكداریكرنێ د كۆنفرانسەكێ نێڤدەولەتی دا ل وەلاتێ نەمسا، ل رۆژا 25/6 ژ نشكەكێڤە گیانێ خوە ژدەست ددەت.
بناڤێ زانكۆیا دهۆك سەرەخۆشیێ ل مالباتا وێ دكەین و ژ خودێ دخازین جهێ وێ بحەشتا بەرین بیت.