پەنەلەكێ‌ زانستی یێ‌ پرۆژەێ‌ پارە دانا موچێن فەرمانبەران ل دام ودەزگەهێن میری ل زانكۆیا دهۆك هاتە گێران

ل رێكەفتی 8/12 پشكا ژمێریاری كولیژا كارگێری وئابوری زانكۆیا دهۆك ب هەڤكاری دگەل بانكا هەرێمێ‌ یا بازرگانی ئارتی بانك رابوو ب گێرانا پەنەلەكێ‌ زانستی ل هۆلا كونفرانسا ل زانكۆیا دهۆك ب ئامادەبوونا راگرێ‌ كولیژا كارگێری وئابوری د. رێبەر فەتاح دگەل د.لوقمان هادی هاریكارێ‌ سەرۆكێ‌ زانكۆیێ‌ بو كاروبارێن زانستی ماموستایێن كولیژێ‌.

د. شلێر عبدالرحمن رەشید سەرۆك پشكا ژمێریاری كولیژا كارگێری وئابووری ل زانكۆیا دهۆك گوت" ئەم دبینین ئەڤ پرۆژە گەلەكێ‌ گرنگە بهێتە جێبەجێ كرن چونكی ڤی پرۆژەی گەلەك مفا یێن هەین چ بۆ فەرانبەرا یان بو كەرتێ‌ حكومی بیتن چونكی موچێ‌ فەرمانبەرا بهێتە ئەلكترونی كرن كارت هەر چ وەختەك بیت فەرمانبەر دشێتن بخو بكێشیت هندی پێتڤیێت وی ومووچێ‌ وی دێ‌ هێتە پاراستن ژ حالەتێ‌ دزینێ‌.

سەروكا پشكا ژمێریاری ئەوژی گوت"جێبەجێكرنا ڤی پرۆژەی مەزاختنێن مووچان دێ‌ كێم بن سەر حكومەتێ‌ پەستانەك دێ‌ لسەر رابیتن بو فەرمانبەری ژی باشە دگەل هندێ‌ عێراقێ‌ سالا 2016 موچەیێن فەرمانبەرێن خو كرینە كارت.