ل رێكەفتی 24/11/2019 شاندەك ژ زانكۆیا (THM- Technische Hochschule Mittelhessen) یا ئەلمانی سەرەدنا زانكۆیا دهۆك كرن و ژلایێ سەروكێ زانكۆیا دهۆك پروفیسۆر دكتۆر مصلح دهۆكی ڤە هاتنە پێشوازی كرن.
سەروكێ زانكۆیا دهۆك پشتی بخێرهتنا شاندێ ناڤبری كری بەحس ژ وێ رێكەفتنێ كر ئەوا دناڤبەرا زانكۆیا دهۆك وزانكۆیا (THM) ئەلمانی كو ناڤەرۆكا رێكەفتنێ دا هاتیە سالانە قوتابیێن پشكا (Biomedical Engineering) باوەرناما زانكۆیا دهۆك و زانكۆیا THMیا ئەلمانی وەربگرن ئەوا كو رێكخراوا داد یا ئەلمانی دێ پالپشتیێ لێ كەت.
كولیژا ئەندازیاری پشكا (Biomedical Engineering) هەتا نوكە تنێ قوناغا ئێكێ ودووێ هەنە دقوناغا چارێ ل دیف ڤێ رێكەفتنێ دێ ژمارەكا ماموستایێن زانكۆیا (THM) وانا ل پشكا ناڤبری پێشكێش كەن و دیسان دی قوتابێن وێ پشكێ نزیكی سێ مەها ل ئەلمانیا وانا وەرگرن ول دیفدا قوتابیێن ڤێ پشكێ دێ بنە خودانێن باوەرناما هەڤپشك.