The president of UoD expresses good wishes on the occasion of the initiation of the new President of Prime Minister of Kurdistan
June 17, 2019, 10:21 p.m.

ئەم ب ناڤێ‌ زانكۆیا دهۆك پیرۆزباهیێن گەرم ئاراستەی بەرێز مەسرور بارزانی دكەین ب هەلكەفتا راسپاردنا جەنابێ‌ وی بۆ پێكئینانا كابینا نوی یا حكومەتا هەرێما كوردستانێ‌ و داخازا سەركەفتنێ‌ د كارێ‌ وی یێ‌ نوی دا بۆ دخازین.

هەلبژارتنا جەنابێ‌ مەسرور بارزانی ئەندازیارێ‌ ئێمناهیێ‌ ل كوردستانێ‌ بریارەكا دجهێ‌ خۆدایە و ل دەمێ‌ ل ئەنجومەنێ‌ ئاسایشا هەرێما كوردستانێ‌ كار دكر سەلماندیە كریە كو شیایە ئارامی و ئێمناهیا كوردستانێ‌ ب پارێزیت، هیڤیا مە ئەوە كار و شیانێن جەنابێ‌ وی رەنگڤەدانا خۆ ل سەر ئاڤەدانی و ڤەژاندنێ‌ ل كودستانێ‌ هەبیت چونكو كەسەكێ‌ گونجایە بۆ جهەكێ‌ گونجایتر.

بۆ دەمێ‌ چار سالان ئەم ئەندامێن بۆردەكی بووین دگەل جەنابێ‌ مەسرور بارزانی و چارچووڤێ‌ ڤی كاری دا مە ژ نێزیك خزمەت و شیانێن جەنابێ‌ وی دیتن كو كەسەكێ‌ دووربینە د هەمی كاران دا چونكو سەرەرایی هەمی كارێن خۆ دەمێ‌ ل ڤی بۆردی كار دكر كارڤەدانا شیانێن جەنابێ‌ وی یا دیار بوو، مە باوەریەكا مكوم یا هەی هەر ئەركەكێ‌ پێ‌ بهێتە راسپاردن دێ‌ ب باشترین شێوە ئەنجام دەت، چونكو قوتابیێ‌ قوتابخانا بارزانیێ‌ نەمر و سەرۆك مەسعود بارزانیە، دووبارە داخازا سەركەفتنێ‌ بۆ د كارێ‌ وی یێ‌ نوی دا بۆ دخازین.

نەمری بۆ شەهیدان و كوردستان هەر یا ئارام و ئاڤەدان بیت