Honouring UoD professors who have recently published a book

سەرۆكاتیا زانكۆیا دهۆك ل رۆژا 10/6/2018 رێز ل خزمەت و ماندیبوونا پرۆفیسۆرێن خۆ گرت و د رێورەسمەكی دا ل سەنتەرێ‌ رەوشەنبیری و جڤاكی یێ‌ زانكۆیێ‌ سوپاسیا وان كرن و هاتنە خەلات كرن، هەروەسا سەرۆكێ‌ زانكۆیێ‌ سوپاسیەك ژی بۆ هەمی مامۆستایێن زانكۆیا دهۆك ئاراستە كر.
سەرۆكێ‌ زانكۆیا دهۆك پرۆفیسۆر د. مصلح دهۆكی د رێورەسمان دا گۆت ئەم وەكو سەرۆكاتیا زانكۆیا دهۆك پیرۆزباهیێ‌ ل وان مامۆستایێن زانكۆیێ‌ دكەین یێن پلا (پرۆفیسۆر) د بسپۆریا خۆ دا وەرگرتین و خۆ وەستاندین هەتا گەهشتینە ڤێ‌ پلێ‌، دیار ژی كر كو زانكۆ دێ‌ رێز ل خزمەتا وان گرت و خەلاتێن زانكۆیێ‌ پێشكێشی وان كرن.
پرۆفیسۆر د. مصلح دهۆكی هەروەسا سوپاسیا وان مامۆستایان ژی كر یێن ب پەرتووك و بەرهەمێ‌ خۆ یێ‌ نڤیسینێ‌ خزمەتا زانستی كری و خەلات پێشكێش كرن، گۆت ژی دێ‌ سوپاسیەكی ب رێكا جڤاتێن كۆلیژان پێشكێشی هەمی مامۆستایێن زانكۆیێ‌ كەن و دێ‌ ب نڤیسین ژی هێتە ئاراستەكرن بۆ مامۆستایان و گەهیتە بەر دەستێ‌ وان، ب هەلكەفتا ب دووماهی هاتنا سالەكا خواندنێ‌ ب سەركەفتیانە، ب وێ‌ هەلكەفتێ‌ كو سەرەرایی ئەو قەیرانا دارایی یا دوو سێ‌ سال بوو هەی، مامۆستایێن زانكۆیێ‌ هەر ب گۆروتین و وورەیێن گەرم ئەركێ‌ خۆ ئەنجام دایە و داخازا سەركەفتنێ‌ ژی بۆ هەمی مامۆستایان خاست.
هەر د ڤان رێورەسمان دا زانكۆیا دهۆك فتارە خارنەك ژی بۆ پرۆفیسۆر و مامۆستایێن بەرهەمێ‌ نڤیسینێ‌ هەی و جڤاتێن كۆلیژان بەرهەڤ كر.