8 positions have been announced at UoD
Aug. 15, 2017, 1:54 a.m.

وەزارەتا خواندنا بلند و ڤەكۆلینێن زانستی د چارچووڤێ‌ رێنمایان دا هەشت پۆستان ل سەرۆكاتیا زانكۆیا دهۆك رادگەهینیت، هەر كەسێ‌ ئارەزو هەبیت و مەرج ل دەف هەبن د شێت د ماوێ‌ دیاركری دا (CV) و داخازیا خۆ پێشكێش بكەت، داكو ناڤێ‌ وی ل لیستان دا بهێتە تۆماركرن و پۆست ژی ئەڤێن ل خارێ‌ نە:

ـ راگرێ‌ كۆلیژا پزیشكیا ددانان

ـ راگرێ‌ كۆلیژا دەرمانسازی

ـ راگرێ‌ كۆلیژا زانستێن تەندروستی

ـ راگرێ‌ كۆلیژا پەرستاری

ـ راگرێ‌ كۆلیژا كارگێری و ئابووری

ـ راگرێ‌ كۆلیژا پەروەردا بنیات /ئامێدیێ‌

ـ راگرێ‌ كۆلیژا پەروەردە / ئاكرێ‌

ـ راگرێ‌ كۆلیژا زمان

مەرجێن پێدڤی ژی دڤێت پێشكێشكار هەلگرێ‌ باوەرناما دكتۆرایێ‌ بیت و ناڤونیشانێ‌ زانستی ژ پرۆفیسۆرێ‌ هاریكار كێمتر نەبیت و خزمەتا زانكۆیێ‌ هەبیت كو ژ 10 سالان كێمتر نەبیت. 

بۆ پێشكێش كرنێ‌ دێ‌ دەلیڤا پتر بۆ وان بیت یێن بۆچوون و بەرنامێ‌ كاروچالاكیێن خۆ پێشكێش دكەت بۆ بەرەف پێش برنا زانكۆیێ‌ بۆ وان چار سالێن وی پۆستی وەردگریت، هەروەسا زانینا زمانێ‌ ئنگلیزی و ب كارئینانا كۆمپیوتەری دێ‌ دەلیڤا پتر بۆ پێشكێش كاری رەخسینیت.

دووماهی دەم بۆ پێشكێش كرنا (CV) و پوختا راژێ‌ هەتا دووماهیا دەوامێ‌ یە ل رۆژا 31/8/2017 رۆژا دووشەمبی بیت، پێدڤیە ژی پوختێ‌ راژێ‌ ژ لایێ‌ بەرپرسێ‌ ئێكێ‌ یێ‌ فەرمانگەهێ‌ بهێتە ئیمزا كرن، هەر ئێكێ‌ حەز هەبیت و مەرجێن سەری ل دەف هەبن دشێت (CV) و پوختا راژێ‌ راستەخۆ بۆ ڤی ئیمێلی فرێكەت (jobs@mhe-krg.org).