Student Accommodation distributions process

زانكۆیا دهۆك دەست ب دابەشكرنا كەل و پەلا و پشكێن نافخۆ لسەر قۆتابیێن زانكۆیێ‌ كر، بۆ ڤێ‌ ئێكێ‌ پەیمان عسمەت، بەرپرسا ئاكنجیكرنا قۆتابیێن كچ ل زانكۆیا دهۆك بۆ پشكێن نافخۆ گۆت:"سێ‌ جه بۆ بەلاڤكرنا كەل و پەلان ل پشكێن نافخۆیێن كچان ل زانكۆیا دهۆك هەنە و ئەڤ كەل و پەلە لسەر قۆتابیێن قۆناغێ‌ 2-3-4 و هندەك كولیژە ب 5 و 6 قۆناغا پێكدئێن دێ‌ ئێنە بەلاڤكرن، دەربارەیێ‌ قۆناغا ئێكێ‌ هێشتا دەست ب سالا خواندنێ‌ نەكریە و هەر دەما قۆناغا ئێكێ‌ هاتنە وەرگرتن ل زانكۆیێ‌ دێ‌ هەمی پێدڤی لسەر وان ژی ئێنە بەلاڤكرن، جونكی بەرهەڤی بۆ وان ژی هاتینە كرن".
پەیمان عسمەت خویاكر:" ئەڤ كەل و پەلە پێك دئێن ژ تەخت و دووشك و بەتەنی و بالیفك و جلكشوو و تەباخ و هەمی پێدڤی یێن ناڤ مالێ‌ و نیزیكی 2000 قۆتابیێن كچ دێ‌ مفایێ‌ ژێ‌ وەرگرن".
نیجیرڤان حازم، بەرپرسێ‌ ئاكنجیكرنا قۆتابیێن كۆر ل زانكۆیا دهۆك بۆ پشكێن نافخۆ زەلالكر:" گشت قۆتابیێن زانكۆیێ‌ ژبلی قۆتابیێن قۆناغا ئێكێ‌ دێ‌ مفادار بن و هەمی پێدڤیێن ناڤ مالیێ‌ بۆ قۆتابیان هاتیە دابینكرن، هەر دەمێ‌ قۆتابیێن قۆناغا ئێكێ‌ دەست ب سالا نویا خواندنێ‌ كر دێ‌ ئەو ژی دمفادار بن".
نیجیرڤان حازم ئاخفت:" هەمی پێدڤێن تەندروستی و بتلێن ئاگر ڤەمراندنێ‌ ژی ل هەمی پشێكێن نافخۆ دبەرهەڤكرینە و نیزیكی 2500 قۆتابیێن كۆر دێ‌ كەل و پەلان لڤان هەر دوو رۆژاندا وەرگرن".
سەرجەمێ‌ قۆتابیێن مفادار ل پشكێن نافخۆ ل زانكۆیا دهۆك بۆ سالا نوی یا خواندانێ‌ 2018-2019 نیزیكی 4500 قۆتابیانە ژبلێ‌ قۆتابیێن نوویێن دئێنە وەرگرتن.

راگەهاندنا زانكۆیا دهۆك/ هەلز عەلی سەلیم