ل زانكۆیا دهۆك پلانا ستراتیژیا ئاڤێ ل پارێزگه‌ها دهۆكێ‌ بۆ پێنچ سالان هاته‌ راگه‌هاندن
Dec. 5, 2018, 5:04 p.m.

زانكۆیا دهۆك ب هه‌ڤكارى دگه‌ل رێكخراوا GIZ ل رۆژا 19/11/2018 ل هۆلا كۆنفرانسان كۆنفرانسێ‌ راگه‌هاندنا پلانا ستراتیژیا پارێزگه‌ها دهۆكێ‌ بۆ ئاڤ و سۆلینان ل ب ئاماده‌بونا وه‌زیرا باژێرڤانی و گه‌شت و گۆزارێ‌ نه‌ورۆز مه‌ولود و پارێزگه‌رێ‌ دهۆكێ‌ فه‌رهاد ئه‌مین و سه‌رۆكێن زانكۆیێن پارێزگه‌ها دهۆكێ‌ و قایمقامێن پارێزگه‌هێ‌ و رێڤه‌به‌ر و بسپۆرێن ئاڤ و سۆلینان و به‌رپرسێن رێكخراوێن مرۆڤایه‌تی هاته‌ ئه‌نجام دان.

سه‌رۆكێ‌ زانكۆیا دهۆك‌ پ. د. مصلح دهۆكی د په‌یڤه‌كى دا ل درێورسمێن كۆنفراسى ته‌ئكید ل سه‌ر گرنگیا ئاڤێ‌ و پاراستنا وێ‌ كر كو ب ره‌نه‌گه‌كێ‌ باشتر سه‌ره‌ده‌ری دگه‌ل مه‌زاختنا وێ‌ بهێته‌ كرن.
وه‌زیرا باژێرڤانی و گه‌شت وگۆزارێ‌ د په‌یڤه‌كى دا ده‌ست خۆشی ل وان لایه‌نان كر یێن ئه‌ڤ پلانا پێنچ سالی ئاماده‌كری و سوپاسیا رێكخراوا GIZ یا ئه‌لمانی كر كو گه‌له‌ك هاریكاری كرینه‌ و پروژه‌ چێكرینه‌ ب تایبه‌تی پرۆژێ‌ ئاڤێ‌ بۆ فه‌یدیێ‌ و كه‌مپێن ئاواره‌ و په‌نابه‌ران ل دومیز و جهێن دی و پشته‌ڤانیا وه‌زاره‌تێ‌ نیشا دا بۆ بجهئینانا پلانا ستراتیژی یا ئاڤ و سۆلینان ل پارێزگه‌هێ‌.
پارێزگه‌رێ‌ دهۆكێ‌ بناڤێ‌ حكومه‌تا هه‌رێما كوردستانێ‌ و پارێزگه‌ها دهۆكێ‌ سوپاسیا وان لایه‌نان كر یێن ئه‌ڤ پلانه‌ به‌رهه‌ڤكری هه‌روه‌سا سوپاسیا رێكخراوێن یونسێف و GIZ یا ئه‌لمانی كر كو هاریكاربووینه‌ بۆ ئاماده‌كرنا پلانێ‌ و ئاماژه‌ دا گرنگیا ئاڤێ‌ چ دوارێ‌ ڤه‌خارنێ‌ دا بیت یان دوارێ‌ چاندنێ‌ دا و گۆت ئاڤ ژیانه‌ و ژیان بێ‌ ئاڤ نابیت و زۆر یا فه‌ره‌ سه‌ره‌ده‌ریه‌كا رێكخستی دگه‌ل ئاڤێ‌ بهێته‌ كرن نه‌خاسمه‌ رۆژ بۆ رۆژێ‌ ئاریشا كێمبوونا ئاڤێ‌ ل رۆژهه‌تا ناڤێن په‌یدا دبیت و گرفتاری ژێ‌ چێدبن و هیڤی خاستن كو ئه‌ڤ پلانا ستراتیژی ببیته‌ هوكار كو ئاڤ كێم تر بهێته‌ مه‌زاختن و سه‌رده‌ری ب ره‌نگه‌كێ‌ باشتر دگه‌ل ب كارئینانا وێ‌ بهێته‌ كرن، گۆت ژى دڤێت په‌روه‌رده‌‌ ژی گرنگیێ‌ ب بابه‌تێ‌ ئاڤێ‌ بده‌ت كو ئاڤ د هه‌مى واران دا بره‌نگه‌كێ‌ ئابوری بهێته‌ مه‌زاختن.
پاشى په‌یڤێن رێكخراوێن یونسێف و GIZ هاتنه‌ خاندن و ته‌ئكید ل سه‌ر گرنگیا ئاڤێ‌ كرن و خواستن ب ره‌نگه‌كێ‌ ئابووری بهێته‌ مه‌زاختن و پشته‌ڤانیا خۆ بۆ پلانا ستراتیژی دیاركرن، د په‌نه‌لێ‌ ئێكێ‌ دا هه‌ر ئێك ژ رێڤه‌به‌رێ‌ ئاڤێ‌ ل دهۆكێ‌ و رێڤه‌به‌رێ‌ ئاڤا ده‌وروبه‌ران و رێڤه‌به‌رێ‌ سۆلینان به‌حسێ‌ پلانا ستراتیژی و گرنگیا وێ‌ كرن.
ل دووماهیێ‌ پلانانا ستراتیژی یا ئاڤ و سۆلینان بۆ پێنچ سالان ژلایێ‌ مسعود كاره‌ش نوینه‌رێ‌ وه‌زاره‌تا باژێرڤانی و گه‌شت و گۆزارێ‌ هاته‌ راگه‌هاندن كو بریاره‌ هه‌تا سالا 2023یێ‌ به‌رده‌وام بیت.
پشتى رێوره‌سمان كۆنفرانسه‌كێ رۆژنامه‌ڤانی بۆ پارێزگه‌رێ‌ دهۆكێ‌ و وه‌زیرا باژێرڤانیان و سه‌رۆكێ‌ زانكۆیا دهۆك‌ و رێكخراوا(GIZ) یا ئه‌لمانی هاته‌ ل ئه‌نجام دان و هه‌میان گرنگیا پلانێ‌ بو پێنچ سالێن بهێت به‌رچاڤ كرن و پشته‌ڤانیا خۆ بۆ بجهئینانێ‌ دیاركرن.