گورپێ مۆزیكێ یێ زانكۆیا دهۆك ل رۆژا 19/2/2019 گەشتەكا زانستی و هونەری بۆ قوتابیێن كۆلیژێن زانكۆیی ئەوێن پشكدار دخولا مۆزیكێ دا درست كر و سەرەدانا پەیمانگەها هونەرێن جوان ل دهۆكێ كر و ژلایێ رێڤبەبەرێ پەیمانگەهێ بشار محەمەد ڤە هاتنە پیشوازی كرن.
دروینشتنەكی دا ب ئامادەبوونا د. خەلیل مستەفا رێڤەبەرێ ناڤەندا قوتابیان و خەتاب ئەرتووشی بەرپرسێ گرۆپێ مۆزیكێ، رێڤەبەرێ پەیمانگەهێ پشتەڤانیا خۆ دیار كر بۆ گرۆپێ موزیكێ یێ زانكۆیا دهۆك، ل دویف دا سەردەنا پشكا مۆزیكێ یا پەیمانگەهێ كرن بۆ ژ نێزیك دیتنا ئاستێ خواندنا مۆزیكی ل پشكێ و چەندین چلاكی ژ لایێ قوتابیێن پشكێ ڤە هاتنە ئەنجام دان داكو قوتابیێن پشكدار د خولا مۆزیكێ دا مفایی ژێ وەربگرن.
بەرپرسێ گرۆپێ مۆزیكێ یێ زانكۆیا دهۆك دیاركر كو د ڤێ خولا مۆزیكێ دا 140 قوتابیێن كۆلیژێن زانكۆیا دهۆك پشكدار بووینە كو بشێن ب شێوەكێ ئەكادمی فێر ببن و ئەڤ جۆرێن سەرەدانا دێ مفایەكێ باش گەهینتە قوتابیێن خولێ.