ل رۆژا 26/5/2019 و ب هەلكەفتا شورەشا 26ێ گۆلانا نیشتمانی یا پێشكەفتن خواز و ب ئامادە بوونا بەرێز سەربەست تروانشی ئەندامێ ئەنجومەنێ سەركردایەتیا پارتی و بەرپرسێ لقا ئێك و پرۆفیسۆر دكتۆر مصلح دهۆكی سەرۆكێ زانكۆیا دهۆك دگەل بەرپرسێ لژنا ناوچا چرا پەردە ل سەر پەیكەرێ شەهید شیفا گەردی ل كەمپا زانكۆیا دهۆك هاتە لادان.
د رێورەسمان دا بەریز سەربەست تروانشی ئاماژە دا وێ چەندێ كو پەهلەوان ل رۆژێن تەنگ ل مەیدانا شەری دیار دبن، شیفا گەردی ئێك ژ وان شێرە ژنایە یێن د شەرێ تیرۆرا جیهانی دا گیانێ خۆ ژ دەست دای و بوویە شەهیدا شەرێ دژی تیرۆرێ ، شیفا گەردی دیكەفتیا شێرە ژنێن شورەشا گۆلانێ یە ئەڤێ قەهرەمانێ ئەم شانازیێ پێ دبەین.
هەر د رێورەسمان دا پرۆفیسۆر دكتۆر مصلح دهۆكی سەرۆكێ زانكۆیا دهۆك دیاركر كو ئەڤرۆ مە پەیكەرەك بۆ شەهید شیفا گەردی ل پشكێن ناڤخۆیی یێن شەهید شیفا گەردی یێن قوتابیێن كچ یێن زانكۆیا دهۆك دانا و ل دەمەكێ دی دێ پەیكەرێ شەهید كوردستان صالح ژی ل پشكێن ناڤخۆیی یێن شەهید كوردستان صالح هێتە دانان