Seminar on the impact of earthquakes on buildings in Kurdistan region of Iraq
Jan. 18, 2018, 10:36 a.m.

كۆلیژا ئەندازیاری ل زانكۆیا دهۆك ل رۆژا 16/1/2018 سمینارەك ل دۆر (بیڤەلەرز ل كوردستانێ‌ و كارتێكرنا وان ل سەر ئاڤاهیان) بۆ د. عبدالحمید عبداللە ل سەنتەرێ‌ رەوشەنبیری و جڤاكی یێ‌ زانكۆیا دهۆك گێرا.
د ڤێ‌ سمینارێ‌ دا د. عبدالحمید عبداللە بەحسێ‌ وێ‌ چەندێ‌ كر كو 50% زیانێن كارەساتێن سەروشتی ل جیهانێ‌ زیانێن بیڤەلەرزانە، دیار ژی كر كو سێ‌ جورێن لڤینێن بیڤەلەرزان یێن هەین، جۆرێ‌ ئێكێ‌ پلێتێ‌ ئەردی نێزیكی ئێك دبیت، یێ‌ دووێ‌ ژێك دویر دبیت و جورێ‌ سیێ‌ ژی لڤین د ڤان پلێتان دا پەیدا دبیت و دبیتە ئەگەرێ‌ هژیانێ‌.
گۆت ژی كوردستان یا ل سەر پلێتەكی كو سالانە 2.5 هەتا سێ‌ سەنتیمان لڤین تێدا پەیدا دبیت و هەردەم رویدانا بیڤەلەرزان ل كوردستانێ‌ یا چاڤەرێ‌ كریە، هەروەسا ئاماژە دا وێ‌ چەندێ‌ ژی كو جیولۆژیا كوردستانێ‌ و سروشتێ‌ وێ‌ دەڤەرەكا پتر چیایە كو دەمێ‌ بیڤەلەرز پەیدا دبیت دوو تشت د چاڤەرێ‌ كرینە یان دارمانا ئەردی یان ژی داچوونا ئەردی.
هەروەسا گۆت دەمێ‌ بیڤەلەرز پەیدا دبن پتر كارتێكرنێ‌ ل ئاڤاهیێن بلند دكەت ژ یێن نزم بەلێ‌ ل دویف ئامارەكی 87% ئاڤاهیێن كوردستانێ‌ كوهەتا سالا 2011 نێزیكی ئێك ملیۆن ئاڤاهیان بوون ئێك قات و دوو قاتینە كو پتریا ڤان ئاڤاهیان پشتی سالا 1997 هاتینە ئاڤاكرن، دیار ژی كر كو دڤێت سەنگا ئاڤاهی گەلەك یا گران نەبیت و كەرەستێن زێدە ئەوێن سەنگا ئاڤاهی پتر لێ‌ دكەن خۆ ژێ‌ دویر بێخین داكو مەترسیا هژیانێ‌ كێمتر لێ‌ بهێت، ل دۆر درێژاهیێ‌ ژی گۆت هەكە درێژاهیا ئاڤاهی سێ‌ جارا پتر ژ فرەهیا وی پتر بوو مەترسی ل سەر زێدەترە.