Scout Camp
May 15, 2017, 11:56 p.m.

لژێر چاڤدێریا سەرۆكێ‌ زانكۆیا دهۆك (پ.د. مصلح محەمەد سەعید دهۆكی) و ب بەرهەفبوونا هاریكارێن سەرۆكێ‌ زانكۆیا دهۆك (د. حەجی موسا) و (د. سەباح وەیسی) و جێگرێ‌ پەرلەمانێ‌ كوردستانێ‌ (د. جەعفەر ئێمینكی) و قائیممقامێ‌ دهۆكێ‌ (جەهوەر عەلی) و مامۆستا و قۆتابیێن كولیژا پەروەردە یازدەمین خیڤەتگەها وەرزشی یا كولیژا ناڤبری ل كەمپا زانكۆیێ‌، لرێكەفتی 15/5 هاتە ڤەكرن و تا 17/ 5/ 2017ێ‌ دێ‌ یا بەردەوام بیت. 

سەركەفت رەشید بەرپرسێ‌ پشكا راگەهاندنێ‌ خیڤەتگەها كولیژا پەروەردا وەرزشی ل زانكۆیا دهۆك گۆت: هەر ئێك ژ چالاكیێن كولیژا مە ڤەكرنا خیڤەتگەهانە ژبۆ قۆتابیان و ئەڤ سالە یازدەمین خیڤەتگەهە بۆ 235 قۆتابیان هاتە ڤەكرن لژێر دوورشمێ‌ (راپرسی مافێ‌ مەیە و دەولەتبوون ئارمانجا مەیە) .

سەركەفت رەشید گۆت ژی: دێ‌ بۆ ماوەیێ‌ سیێ‌ رۆژان خیڤەتگەه یا بەردەوام بیت و ڤێ‌ جارێ‌ ب نەه گرۆپان پێك دئێت ب ناڤێن میحوەرێن شەری یێن دكەفتە سنورێ‌ پارێزگەها دهۆكێ‌ ئەو ژی (گرۆپێ‌ (A) یێ‌ سپێدە و ئێڤاریان ب ناڤێ‌ (میحوەرێ‌ كەسكێ‌)، گرۆپێ‌ (B) یێ‌ سپێدە و ئێڤاریان ب ناڤێ‌ (میحوەرێ‌ سحێلا)، گرۆپێ‌ (C) یێ‌ سپێدەیان ب ناڤێ‌ (میحورەێ‌ وانكێ‌)، گرۆپێ‌ (D) یێ‌ سپێدەیان ب ناڤێ‌ (میحورەێ‌ تلسقوف)، گرۆپێ‌ (E) یێ‌ سپێدەیان ب ناڤێ‌ (میحورەێ‌ زومار)، گرۆپێ‌ (F) یێ‌ سپێدەیان ب ناڤێ‌ (میحورەێ‌ باشیك)، گرۆپێ‌ (B) یێ‌ ئێڤاریان ب ناڤێ‌ (میحورەێ‌ رەبیعە)، گرۆپێ‌ (C) یێ‌ ئێڤاریان ب ناڤێ‌ (میحورەێ‌ ناوەران)، گرۆپێ‌ (D) یێ‌ ئێڤاریان ب ناڤێ‌ (میحورەێ‌ شنگال))

ژبەر رۆلێ‌ پێشمەرگەیی یێ‌ قەهرەمانە د شەرێدا دژی تیرۆرێ‌ دا و بووینە سمبولەكا گەش ل ئەسمانێ‌ دەولەتێن زیلهێز و هەموو دونیایێ‌ ئەڤ خیڤەتەگەهە مە ب ناڤێ‌ هندەك میحوەرێن شەری یێن هاتینە ئازادكرن لسەر دەستێ‌ پێشمەرگەیی بناڤ كرن وەك بەرپرسێ‌ پشكا راگەهاندنێ‌ خیڤەتگەها كولیژا پەروەردا وەرزشی گۆتی. 

راگەهاندنا زانكۆیا دهۆك: هەلز عەلی سەلیم

فوتو: محەمەد بێسكی