رێڤەبەریا وەرزشا زانكۆیا دهۆك بەریكانەكا غاردانێ بۆ قوتابیێن كور و كچ یێن زانكۆیێ ل رۆژا 22/2/2016 ل ناڤ كەمپێ زانكۆیا دهۆك ب ئامادەبوونا هاریكارێ سەرۆكێ زانكۆیێ بۆ كاروبارێن زانستی و چەند مامۆستایان ئەنجام دا.
ل سەر ئاستێ كوران كو 71 قوتابی تێدا د پشكدار بوون و غاردانا وان ب درێژیا 4كم بوو، قوتابی عومران محەمەد ژ كۆلیژا پەروەردا وەرزشی ل رێزا ئێكێ هات و هەر ئێك ژ دلوڤان محەمەد و رەیان عەبدوللا هەر ژ پەروەردا وەرزشی ل رێزێن دووێ و سیێ هاتن.
ل سەر ئاستێ كچان ژی كو 16 قوتابیێن كچ تێدا د پشكدار بوون، غاردانا وان ب درێژیا 2كم بوو، قوتابی بارین ئیبراهیم ژ پەروەردا وەرزشی ل رێزا ئێكێ هات و هەر ئێك ژ قوتابیان كوردستان عەلی و بازن عومەر ل رێزێن دووێ و سیێ هاتن.
بەریكانەكا غاردانێ یا سالانەیە بۆ قوتابیێن زانكۆیا دهۆك دهێتە ئەنجام دان، ئەڤ سالە ژ بلی قوتابیان چەند مامۆستایان ژی پشكداری تێدا كربوو، ل دووماهیێ ژی سەركەفتیێن ڤێ بەریكانێ هاتنە خەلات كرن.