سەرۆكێ زانكۆیا دهۆك پرۆفیسۆر دكتۆر مصلح دهۆكی ل رۆژا 9/2/2020 پێشوازی ل سەرۆكێ بوردێ یونسكۆ بۆ خاندنێن نەهێلانا جینۆسایدێ ل جیهانا ئیسلامی دكتۆر سەلاح ئەلجابری كر.
د روینشتنەكی دا كو رێڤەبەرێن سەنتەرێ بێشكچی و سەنتەرێ ڤەكۆلینێن جینوسایدێ ل زانكۆیا دهۆك د بەرهەڤ بوون سەرۆكێ زانكۆیا دهۆك ب خێرهتنا سەرۆكێ بوردی كر و گۆت"زانكۆیا دهۆك گەلەك چالاكیێن باش ئەنجام داینە ل ل دۆر بابەتێ جینۆساید و ئەنفال و هەلەبچە و دیسان مە سەنتەرەكێ چالاك ل زانكۆیا دهۆك هەیە ئەو ژی سەنتەرێ ڤەكۆلینێن جینۆسایدێ یە مروڤایەتی هەوەسا سەنتەرێ بێشكچی پەرتوكا جینۆسایدا ئێزدیان ب حەفت بەرگا چاپكریە، ب هاتنا هەوە دخازم پەیوەندیێن باش دگەل ڤان هەردوو سەنتەرێن زانكۆیا دهۆك هەبن چونكو مە ئەڤ سالە كۆنفرانسێ جینۆسایدێ یێ هەی دا هین ژی پشكداربن.
سەرۆكێ بۆردێ یونسكۆ بۆ خاندنێن نەهێلانا جینۆسایدێ ل جیهانا ئیسلامی ل زانكۆیا بەغدا دكتۆر سەلاح ئەلجابری سوپاسیا سەرۆكێ زانكۆیێ كر و گۆت"كەیف خوشبووم ئەڤرۆ ئەز ژلایێ زانكۆیا دهۆك ڤە هاتیمە پیشوازی كرن و مە ل جهێ خۆ ب دەهان چالاكی ل دۆر ئەنفال و هەلەبچە و ئەهوار و ڤەگوهاستنا خەلكی ئەنجام داینە ئەڤرۆ ئەز ل زانكۆیا دهۆك ئامادەمە دا پەیوەندیێن باش مە ل دگەل هەردوو سەنتەرێن زانكۆیا دهۆك (بێشكچی بۆ ڤەكۆلینێن مرۆڤایەتی و سەنتەرێ ڤەكۆلینێن جینوسایدێ)هەبن ژ بۆ پتر گێرانا چالاكی و روینشتنا و ووركشۆپان پێكڤە ئەنجام بدەین.
دكتۆر نەشوان شكری رێڤەبەرێ سەنتەرێ بێشكچی بۆ ڤەكولینێن مرۆڤایەتی گۆت"سەنتەرێ بێشكچی و سەنتەرێ جینۆسایدێ ل زانكویا دهۆك یاداشتەكا لێك تێگەهشتنێ دگەل بۆردێ یونسكو بۆ خاندنا جینوسایدێ ل زانكویا بەغدا ئیمزاكریە ژ بۆ خورتكرنا پەیوەندیان و پتر چالاكیێن هەڤپشك ئەنجام بدەین.