Opening Dentistry clinic at College of Dentistry

كولیژا پزیشكی ددان ل زانكۆیا دهۆك چەند پشكا بخۆڤە دگریت، ژ هەمیان گرنگتر (كلینیكێن پزیشكیا ددانا یێن فێركرنێ‌)، بۆ ڤێ‌ ئێكێ‌، راگرا كولیژا پزیشكی ددان ل زانكۆیا دهۆك، د. بهار جەعفەر سلێڤانەیی گۆت:" كلینیكێن پزیشكیا ددانا یێن فێركرنێ‌ ل سالا 2014ێ‌ ل كولیژا پزیشكی ددان هاتیە ڤەكرن، قۆتابیێن قۆناغا (4-5) برێكێن زانستی ددانێن نەخوشان دروست دكەن ب سەرپەرشتیا مامۆستایێن بسپور و دكتورێن زانكۆیێ‌، كۆ باشترین شولە لسەر ئاستێ‌ پارێزگەها دهۆكێ‌ دئێتەكرن، دیسان لڤان كلینیكا ئامیرێن (بخاری) هەنە كۆ ئەو بخۆ فایروس و میكروبات و بەكتیریا دكوژیت".
راگرا كولیژا پزیشكی ددان خویاكر:" ل هەمی سالان هەر ژ 15/ 9 تا 20/5 دەواما فەرمی لڤان كلینیكا لدەمێ‌ سپێدەهیان هەر ژدەمیژمیری 9 سپێدێ‌ تا 1 نیڤرۆ هەیە، دیسان ل بێهنڤەدانا هاڤینێ‌ ژی هەیڤەكێ‌ ئەڤ كلینیكە كار دكەن ب سەرپەرشتیا 2 مامۆستایێن كولیژا پزیشكی ددان هەلگرن باوەرنامەیا دكتورا و دوو مامۆستایێن هەلگرن باوەرنامەیا ماستەرێ‌ و ژبلی بسپور و شارەزایێن باقژكرن و جارەسەركرنا ددانان".
د. بهار جەعفەر، زەلالكر:" ل سالا 2017ێ‌، 1600 نەخوش لڤان كلینیكا هاتینە جارەسەركرنێ‌ و هیچ گازندەیەك بۆ مە نەهاتیە و بەهرا پتر خەلكێ‌ ئاوارە و كێم دەرامەت ژێ‌ مفادار بووینە و ب هیچ رەنگەكی چ ژڤان نائێنە دەستنیشانكرن بۆ نەخۆشی و هەر د رۆژێدا جارەسەركرنا وان دئێتەكرن، كۆ مە بارێ‌ رێڤەبەریا تەندروستیا دهۆكێ‌ ژی سڤك كریە و تا رادەكێ‌ باش مە خزمەتا كەرتێ‌ حكومەتێ‌ كریە، دهەمان دەمدا هەمی خەلكێ‌ كوردستانێ‌ دشێت بۆ جارەسەركرنێ‌ بهێتە ڤێرە بۆ جارەكرنێ‌".
دكتورایێ‌ پتر بەحسكر:" كۆ ئەڤ كلینیكە ب چەند پشكا پێك دئێت ئەو ژی:" جارەسەركرن و چێكرنا ددانان، تەخمكرنا ددانان، نیشتەگەریا دەڤ و ددان و پدیێ‌، پاراستن و راستكرنا ددانا، پاراستنا ددانێن زارۆكا، زانستێن پزیشكیا ددان یێن بنەرت، پشكا تیشكێ‌، دەست نیشكرنا ئێشێ‌ برێكا وینەكرنا هەمی دەڤی، بۆ سالا 2018ێ‌ دێ‌ دەست ب چاندنا ددانان ژی كەین".

راگەهاندنا زانكۆیا دهۆك/ هەلز عەلی سەلیم