ل رۆژا 3/12/2018 د رێورەسمەكی دا هاریكارێ سەرۆكێ زانكۆیا دهۆك بۆ كاروبارێن زانستی و خواندنا بلند د. سەباح ئیبراهیم وەیسی هاتە گوهارتن و ل جهێ وی د. لوقمان هادی حەسەن هاتە دانان.
ئەڤ رێورەسمە ب ئامادەبوونا سەرۆكێ زانكۆیا دهۆك پ. د. مصلح دهۆكی هاتنە ئەنجام دان و سەرۆكێ زانكۆیێ سوپاسیا د. سەباح ئیبراهیم كر كو بۆ ماوێ چار سالان خزمەت د ڤی پوستی دا كری و پەسنا رۆلێ وی كر، هەروەسا داخازا سەركەفتنێ بۆ د. لوقمان هادی حەسەن كر د كارێ وی یێ نوی دا، د. سەباح ئیبراهیم ژی سوپاسیا سەرۆكێ زانكۆیێ كر كو یێ هاریكار بوو د ماوێ ئەو د پوستێ هاریكارێ سەرۆكێ زانكۆیا دهۆك بۆ كاروبارێن زانستی و خواندنا بلندا و ئامادەیا خۆ ژی دیاركر كو یێ هاریكار بیت دگەل د. لوقمان هادی د كارێ وی یێ نوی دا.
د. لوقمان هادی حەسەن، پرۆفیسۆرێ هاریكارە ل كۆلیژا ئەندازیاری ل پشكا كارەبا و كۆمپیۆتەر، دكتۆرا د بیاڤێ ئەندازیاریا سیستەمێن توانا ل زانكۆیا مالایا ل مالیزیا وەرگرتیە.