new regulations for internal post flow
Feb. 16, 2018, 11:43 a.m.

ل رۆژا 13/2/2018 ل سەنتەرێ‌ رەوشەنبیری و جڤاكی یێ‌ زانكۆیا دهۆك ب ئامادەبوونا د. حجی موسا هاریكارێ‌ سەرۆكێ‌ زانكۆیێ‌ بۆ كاروبارێن كارگێری ودارایی و مامۆستا بنگێن ئیبراهیم حەمێ‌ رێڤەبەرێ‌ ریڤەبەریا كارگێری و خویەتی روینشتنەك دگەل هەمی رێڤەبەرێن كارگێری یێن سەنتەر و كۆلیژێن سەر ب زانكۆیا دهۆك ڤە هاتە ئەنجام دان.
د ڤێ‌ روینشتنێ‌ دا مامۆستا بەنگین ئیبراهیم حەمێ‌ بەحسێ‌ چاوانیا كاركرن و رێكخستنا كارێ‌ ئیداری یێ‌ زانكۆیێ‌ و كۆلیژان و ڤەگوهاستنا مامۆستا و فەرمانبەران و غیابات و سزادانان هاتە كرن، د یسا دیاركر یەكا ئیدارێ‌ ل كۆلیژێ‌ بەرپرسیاریەكا مەزن ب خۆڤە دگریت، هەروەسا ب ئەلكترۆنی كرنا نڤیسارێن فەرمی یێن زانكۆیێ‌ دگەل كۆلیژا و سەنتەران كو ب ئیمێلی نڤیسار دێ‌ هێنە فرێكرن و پێدڤیە گرنگی پێ‌ بهێتە دان ژبەر كو ب ڤی شێوازی دێ‌ فەرمانبەر و مامۆستایێن كۆلیژێ‌ و زانكۆیێ‌ ب ماوەیەكێ‌ كیم ئاگەهداری هەمی گشتاندن و نڤیساران بن.
رێڤەبەرێ‌ كارگیری بەحسێ‌ چاوانیا گوهرین و دروستكرنا ناسنامێن مامۆستا و فەرمانبەران كر دیسا بەحسێ‌ وەرگرتنا مولەتا بێ‌ مووچە كو هەردەمێ‌ مامۆستایەك یان فەرمانبەرەك داخازا مولەتا بێ‌ مووچە دكەت، چونكو رەزامەندی ژ وەزارەتا خواندنا بلند و ڤەكولینێن زانستی دهێتە وەرگرتن لەورا ب چ شێوەیەكی نابیت ئەوێن داخازا مولەتا بێ‌ مووچەی دكەن دەست ژ كاری بەردەن هەتا رەزامەندیا وەزارەتێ‌ و زانكۆیێ‌ نە هیتە دان.
ژ لایێ‌ خۆڤە هاریكارێ‌ سەرۆكێ‌ زانكۆیێ‌ د. حجی موسا پشتەڤانیا خۆ بۆ ڤێ‌ پێنگاڤا ریڤەبەریا كارگێری یا زانكۆیێ‌ دیاركر و خواست كو پشتی هەیڤا ئادارێ‌ چ نڤیسارێن دەستی دناڤبەرا كۆلیژ و سەرۆكاتیا زانكویێ‌ دا نەمینن هەمی ب ئەلكترۆنی بهینە ئەنجام دان چونكو زانكۆیا دهۆك ژ 18 كۆلیژان و ژمارەكا سەنتەران پێك هاتیە ب ئەلكترۆنی كرنا كارێ‌ ئیداری دێ‌ خەرجی كێمتر بن دیسا كار دی زویتر هێنە ئەنجام دان.
ل دووماهیا روینشتنێ‌ ژی دەرگەهێ‌ دانوستاندنێ‌ هاتە ڤەكرن و گەنگەشە ل سەر وان بابەتان هاتە كرن یێن بۆ كارگێریێن كۆلیژان جهێ‌ پسیارێ‌ بیت و بەرسڤ ل سەر هاتە دان.