German Consulate deputy has visited UoD

جێگرا قونسلێ‌ گشتی یێ‌ ئەلمانیا ل هەولێرێ‌ هێلێنا مێركس ل رۆژا 6/9/2018 سەرەدانا زانكۆیا دهۆك كر و ژلایێ‌ سەرۆكێ‌ زانكۆیێ‌ پرۆفیسۆر د. مصلح دهۆكی پێشوازی لێ‌ هاتە كرن.
د روینشتنەكی دا ل پەیمانگەها چارەسەریا دەروونی و چارەسەریا تراومایێ‌ ب ئامادەبوونا راگرێ‌ پەیمانگەهێ‌ و هاریكارێ‌ راگری بەحسێ‌ رەوشا ڤێ‌ پەیمانگەهێ‌ كر، ل دویف دا كونگرەكێ‌ رۆژنامەڤانی بۆ سەرۆكێ‌ زانكۆیا دهۆك و جێگرا قونسلێ‌ گشتی یێ‌ ئەلمانیا هاتە سازكرن.
سەرۆكێ‌ زانكۆیا دهۆك پرۆفیسۆر د. مصلح دهۆكی خوشحالیا خۆ ب ڤێ‌ سەرەدانا جێگرا قونسلێ‌ گشتی یێ‌ ئەلمانیا بۆ زانكۆیا دهۆك و ب تایبەت بۆ پەیمانگەها چارەسەریا دەروونی و چارەسەریا تراومایێ‌ دیاركر و گۆت ئەڤ پەیمانگەهە بەری دوو سالان ژلایێ‌ وەزارەتا زانست ل هەرێما بادن ڤورتمبێرگ یا ئەلمانی هاتیە دامەزراندن كو ئەڤ پەیمانگەهە یا ئێكێ‌ یە ل رۆژهەلاتا ناڤین هاتیە دامەزراندن بۆ خاندنا ماستەرێ‌ و جارا ئێكێ‌ 30 قوتابیێن ماستەرێ‌ هاتینە وەرگرتن ب پشتەڤانیا وەزارەتا زانست یا ئەلمانی و 28 ژ وان د بەردەوامن و خواندنا وان دێ‌ یا هەڤپشك بیت دناڤبەرا زانكۆیا دهۆك و زانكۆیا توبیگن یا ئەلمانی، هەوەسا گۆت مە بەحسێ‌ وان پەیوەندی و بەرنامێن هەڤپشك كر د ناڤبەرا زانكۆیا دهۆك و زانكۆیێن ئەلمانی بۆ نموونە باوەرناما بەكالوریۆسا هەڤپشك دگەل زانكۆیا دۆرتمۆند كو و بەردەوامین سەر زێدەكرنا ڤان بەرنامان چونكو مە ئەزموونەكا سەركەفتی یا د ڤان بەرنامان دا هەی ل گەل زانكۆیێن ئەلمانی سوپاسیا وەزارەتا زانست و وەزارەتا دەرڤەیا ئەلمانیا و زانكۆیێن ئەلمانی كر بۆ پشتەڤانیا وان یا بەردەوام بۆ ڤەكرنا ڤان جۆرە بەرنامان.
جێگرا قونسلێ‌ گشتی یێ‌ ئەلمانیا ل هەولێرێ‌ هێلێنا مێركس د كونگرێ‌ رۆژنامەڤانی دا گۆت خوشحالین ژ لایێ‌ سەرۆكێ‌ زانكۆیا دهۆك ڤە هاتینە پێشوازی كرن، ئەڤ پەیمانگەهە دەمێ‌ ل ڤێرێ‌ هاتیە دامەزراندن ب پشتەڤانیا سەرۆكێ‌ زانكۆیا دهۆك هاتیە دامەزراندن، بجهئینانا وێ‌ ب پشتەڤانیا هەرێما بادن ڤورتمبێرگ و زانكۆیا توبیگن هاتیە كرن، خۆشحالین دێ‌ سالا دووێ‌ یا خاندنێ‌ ل ڤێ‌ پەیمانگەهێ‌ دەست پێ‌ كەت و وەزارەتا دەرڤە یا ئەلمانیا دێ‌ پشتەڤانیا وێ‌ كەت نموونەكا سەركەفتیە كو ئەم پێكڤە كار بكەین كا چاوا دێ‌ كادران بەرهەڤ كەین بۆ چارەسەریا دەروونی و چارەسەریا تراومایێ‌.