كۆلیژا پەروەردا بنیات ل زانكۆیا دهۆك ئەڤرۆ 25/4/2016 ڤیستەڤالا خۆ یا سالانە یا ئێكێ ل ئاڤاهیێ كۆلیژێ ل ژێر چاڤدێریا سەرۆكێ زانكۆیا دهۆك پرۆفیسۆر د. مسلح دهۆكی گێرا.
د ڤێ ڤیستەڤالێ دا كو هەر ئێك ژ پشكێن كۆمەلایەتی و زمانێ كوردی و باخچێ مندالا تێدا د پشكدار بوون و هەر پشكەكی چالاكیەك هەبوو، پشكا كۆمەلایەتی پێشانگەهەكا وێنێن شەهیدان نیشادا، پشكا زمانێ كوردی كو چالاكیا وان ل ژێر دروشمێ (كەلەپوورێ كوردی ناسناما مللەتێ كوردە) چەند خارنێن كوردی و یاریێن كوردی و ستران و كەلوپەلێن كەلەپووری نیشا دان، هەروەسا پشكا باخچێ مندالا ژی هژمارەكا چالاكیان ل دۆر تەكنیكێن پەروەردەی د پیشانگەهەكی دا دانە دیاركرن.
ئەڤ پێشانگەهە كو دێ بیتە سالانە و هەمی قوتابیێن وان پشكێن پشكدار دێ تێدا پشكداریێ كەن و ئەڤ سالە بۆ جارا ئێكێ بوو هاتیە گێران و بۆ دەمێ ئێك رۆژ دێ یا بەردەوام بیت.