College of Dentistry visits IDP and refugee camps

گەشتەكا زانستی یـا قوتابیێن زانكۆیا دهۆك كۆلیژا بزیشكیا ددانان بۆ كەمپا خانكێ‌ یا ئاواران و كەمپا دومیز یا پەنابەران كو بۆ ماوێ‌ چار رۆژان یـا بەردەوام بیت ل رۆژا 2/4/2019 هاتە ئەنجامدان

د. نزار موراد مامۆستایێ‌ زانكۆیێ ل كۆلیژا پزیشكیا ددانان گۆت كۆلیژا پزیشكیا ددانان ب هەڤكاری دگەل زانكۆیا پاڤێل یا ئەمریكی دگەل شەش نوژدارێن تایبەتمەندێن دەڤ و ددانان یێن كوێتی دێ‌ ڤان سەرەدانا ئەنجام دەن بۆ چارەسەركرنا ددانێن قوتابیێن ئاوارێن دناڤا كەمپا خانكێ‌ و هەروەسا كەمپا دومیز، دیار ژی كر كو د سەرەدانان دا دێ‌ پشكنینا ددانێن قوتابیان و چاوا دەڤ وددانێن خۆ پارێزن و پاقژكەن و ساخلەم هێلن دگەل رێكا چاوانیا فرچەكرنا ددان و هەر ئێك ژ قوتابیان دێ‌ فرچە و مەعجون ل سەر هێنە بەلاڤكرن و ددانێن وان هێنە پشكنین.

قوتابی كاژین محەممەد قوتابیا قووناغا چارێ‌ گۆت ئەڤ جۆرە چالاكیە زۆر دگرنگن بۆ قوتابیێن كۆلیژا مە و مفای ل قوتابی دكەت پتر فێردبیت هەروەسا بۆ قوتابیێن ئاوارە ژی ددانێن وان چارەسەر دكەین و رێكا تەندروستی یا فرچەكرنا ددانان بۆ شروڤە بكەین.