championship at UoD

ل رۆژا 19/11/2018 ل هۆلا كۆلیژا پەروەردا وەرزشی قارەمانیا ڤوتسالێ‌ ل سەر ئاستێ‌ كۆلیژان ژلایێ‌ یەكەیا وەرزشی دەست پێ‌ كر كو 11 كۆلیژە تێدا د پشكدارن.
رێڤەبەرێ‌ یەكەیا وەرزشی ل كۆلیژا پەروەردا وەرزشی ئازاد ئەحمەد دیاركر كو ئەنجامدانا ڤێ‌ قارەمانیێ‌ بۆ پشتەڤانیا وان قوتابیانە یێن حەزا تەپا پێی ل دەف هەبیت و هەر كۆلیژەكی مامۆستایەكێ‌ وەرزشی سەرپەرشتیا تیمێ‌ كۆلیژێ‌ دكەت، گۆت ژی ژ 11 كۆلیژان تیمێن وان د پشكدارن دڤێ‌ قارەمانیێ‌ دا.
ئازاد ئەحمەد ل دۆر شێوازێ‌ قارەمانیێ‌ گۆت قارەمانی دێ‌ ل دیف كەتنا تاكی بیت هەر یاریا دهێتە كرن تیما خسارەت دێ‌ ژ قارەمانیێ‌ دەركەڤیت و تیما سەردكەڤیت دێ‌ چیتە قووناغا ل دیف دا، ئاماژە دا وێ‌ چەندێ‌ ژی كو د ڤێ‌ قارەمانیێ‌ دا 10 یاری دێ‌ هێنە كرن، یاریا ئێكێ‌ ژی ل ناڤبەرا تیما كۆلیژا پەروەردا وەرزشی ل گەل تیما كۆلیژا پەرستاری هاتە كرن ب سەركەفتنا تیما كۆلیژا پەروەردا وەرزشی.