A workshop about the QA process at UoD
Feb. 14, 2019, 6:32 p.m.

ل سەرۆكاتیا زانكۆیا دهۆك وورك شۆپەك ل دۆر پرۆسێسا دلنیایی جۆری ب ئامادەبوونا هاریكارێ‌ سەرۆكێ‌ زانكۆیا دهۆك بۆ كاروبارێن زانستی و خواندنا بلند د. لوقمان هادی و دگەل بەرپرسێن دلنیایی جۆری یێن كۆلیژێن سەر ب زانكۆیا دهۆك ڤە ل رۆژا 12/2/2019 هاتە ئەنجام دان.
رێڤەبەرێ‌ دلنیایی جۆری ل زانكۆیا دهۆك د. سەرهات موستەفا ئادەم بۆ مالپەرێ‌ زانكۆیا دهۆك گۆت دڤی وورك شۆپی دا چەوانیا دروستكرنا چالاكێن ئون لاین هاتنە بەحس كرن كو هەر كۆلیژەك دێ‌ یا بەرپرس بیت ژچالاكیێن خۆ، هەروەسا بەرپرسێ‌ دلنیایی جۆری یێ‌ كۆلیژێ‌ یێ‌ بەرپرس بیت ژ چێكرنا وان داتایان.
دیار ژی كر كو رێنمایێن نوی بۆ كۆنفرانسان هاتینە هەروەسا بۆ گێرانا وورك شوپ، سمینار، خولێن راهێنانێ‌، چالاكێن وەرزشی، بەلاڤۆك هەمی دێ‌ ل دویف رێنمایێن دلنیایی جۆری بن، ئەو ژی د ڤی وورك شۆپی دا هاتینە گەنگەشەكرن، هەروەسا ل سەر هندەك خالان رێككەفتن كو ژ بۆ زانكۆیا دهۆك و مامۆستا و قوتابیان یا باش بیت و زانكۆیێ‌ بەرەڤ پێش ببەن د هەمی قووناغان دا.